АҞӘА, лаҵарамза 6, Sputnik. Аныҳәамшқәа ирылагӡаны жәа-нызқьҩык рҟынӡа Урыстәылатәи атуристцәа Аԥсны иаҭааит. Абри атәы ҳзааицҳаит Аԥсны Акурортқәеи атуризми рминистр Авҭандил Гарцкиа.
Уаанӡа, Урыстәыла атуроператорцәа Рассоциациа апресс-маҵзура адырра шыҟанаҵахьаз ала "Маитәи аныҳәамшқәа раан Аԥсныҟа апутиовкақәа ҿаҵоуп. Макьаназ амшын ахьшәашәара иахьмырԥшыкәа уахь ицоит амреи агастронамиеи рҭахразы".
"Аныҳәамшқәа ирылагӡаны жәа-нызқьҩык рҟынӡа атуристцәа Аԥсны иаҭааит", — иҳәеит Гарцкиа.
Аминистр иажәақәа рыла Аԥсны акурорттә сезон иазыхиоуп. Иара убасгьы иазгәеиҭеит аныҳәамшқәа нҵәаанӡа 12 000-ҩык рҟынӡа аԥсшьаҩцәа рыдкылара шазыԥхьагәаҭоу.
Ҵыԥх, абри аамҭазы Аԥсны иаҭаан иҟан аа-нызқьҩык атуристцәа.
2015 шықәса рзы Аԥсны иаҭан 1,2 миллионҩык аԥсшьаҩцәа. Акурорттә сезон хацыркхоит лаҵарамзазы, ихыркәшоуп ҳәа азырыԥхьаӡоит жьҭаарамзазы.
