Наталиа Шохина: иарбанызаалак Аԥсны абренд – мазароуп

© Sputnik Авидзба НаалаАстандартқәеи, ахархәаратәи атехникатәи хылаԥшразы Аԥсны Аҳәынҭеилакы ахантәаҩы ихаҭыԥуаҩ Наталиа Шохина.
Астандартқәеи, ахархәаратәи атехникатәи хылаԥшразы Аԥсны Аҳәынҭеилакы ахантәаҩы ихаҭыԥуаҩ Наталиа Шохина. - Sputnik Аҧсны
Анапаҵаҩра
Астандартқәеи, ахархәаратәи атехникатәи хылаԥшразы Аԥсны Аҳәынҭеилакы ахантәаҩы ихаҭыԥуаҩ Наталиа Шохина иаҳзеиҭалҳәеит Қырҭтәыла иҭрыжьуа аҩқәа "Дары Лыхны", "Вечер в Гаграх", "Тайна Рицы" "Лоза Абхазии" рҭаҩра шаанкылахаз атәы.

Роспатент аҟны иааныркылеит Қырҭтәыла иҭрыжьуа аҩқәа "Дары Лыхны", "Вечер в Гаграх", "Тайна Рицы", "Лоза Абхазии" рҭаҩра. Ари аӡбра шрыдыркылази аԥсуа брендқәа рыхьчара аус шышьақәдыргылои ртәы даҳзалацәажәеит Астандартқәеи, ахархәаратәи атехникатәи хылаԥшразы Аԥсны Аҳәынҭеилакы ахантәаҩы ихаҭыԥуаҩ Наталиа Шохина. Аиҿцәажәара мҩаԥылгон Наала Аҩӡыԥҳа.

- Астандартқәеи, ахархәаратәи атехникатәи хылаԥшразы Аԥсны Аҳәынҭеилакы аҟны ишԥардыри Урыстәыла аҵакырадгьыл аҟны аԥсуа хьыӡқәа зманы Қырҭтәыла иҭрыжьуа аҩқәа рыҭира шымҩаԥысуа атәы. Уи аҿагыларазы иарбан шьаҿақәоу шәара иҟашәҵаз?

— Астандартқәеи, ахархәаратәи атехникатәи хылаԥшразы Аԥсны Аҳәынҭеилакы имҩаԥнагоит аинтеллектуалтә хатәра ахьчара. Аҵыхәтәантәи ахәышықәса рзы Аԥсны аҵакырадгьыл аҟны иҭаҩуп 600 тауртә дырга. Урҭ рҟынтәи 400 инареиҳаны – атрансмилаҭтә еилакқәа рбрендқәа роуп. Урҭ Аԥсны Аҳәынҭқарра апатенттә усбарҭа хаз иго органны иршьоит.

Производство шампанского. - Sputnik Аҧсны
Аҳәынҭстандарт: Москва "аԥсуа"ҩы-ԥаршеиқәа рҭиуеит

Ҵыԥх, хәажәкырамзазы, Урыстәылатәи Афедерациа анагӡаратә мчра афедералтә орган Роспатенти Астандартқәеи, ахархәаратәи атехникатәи хылаԥшразы Аԥсны Аҳәынҭеилаки аусеицуразы Амеморандум рнапы аҵарҩит. Амеморандум инақәыршәаны активла макьаназы аусура ҳаламгацт, аха аусурақәа амҩаԥысра иаҿуп. Иахьазы асовет аамҭақәа рзы иҟаз аԥсуа тауартә дыргақәа ҳахьчарц азы дара ҳрыҳәеит Асовет Еидгылаантәи апатенттә дыргақәа рбаза ҳаурцаз ацхыраара ҟарҵарц.

Иҟоу аҭагылазаашьа ҳалацәажәозар, Урыстәыла аҵакырадгьыл иахьаҵанакуа инанаго аҩқәа реиҳарак ЗҲәА "Аԥсны аҩқәеи аӡқәеи" атауартә дыргақәа ирыҵаркуа роуп. Урыстәыла иҟоу дара рдестрибиуторцәеи Роспатенти рҟынтәи ҳара иҳауит аинформациа – Урыстәыла аҵакырадгьыл ахь аԥсуа хылҵшьҭра рымоуп ҳәа ирԥаршеины аҭирахь ишнарго аҩқәа "Дары Лыхны", "Тайна Рицы", "Лоза Абхазии", "Вечер в Гаграх", иара убасгьы "Алсны гор" и "Лывны гор". Аҵыхәтәантәиқәа ртәы анаҩс хазы сазааҭгылоит.

Аԥхьатәи аԥшь-дыргак рыхьыӡқәа Аԥсны агеографиа иадҳәалоуп. Дара рҭиуан Урыстәылатәи Афедерациахь аҩыҭира знапы алаку аилак "Винный стиль" ахархәарала. Дара ҭыжьуп Қырҭтәыла, ЗҲәА "Батоно" аҟны.

Абри аганахьала ҳара акыр иуадаҩыз ацәажәарақәа ҳаман, Роспатент ахьгьы ашәҟәы ҳашьҭит арҭ апатентқәа русура аанкылахарц. Уа ҳара ҳазааҭгылан ҳалацәажәеит уаанӡа анапы зҵаҩыз аҳәынҭқаррабжьаратә еиқәшаҳаҭрақәа инарықәыршәаны асеиԥш аҭагылазаашьа шиашам.

Аԥсни Урыстәылеи рыбжьара анапы аҵаҩуп астратегиатә еилахәыразы Аиқәшаҳаҭра. Иара инақәыршәан ҳаизыҟазаашьақәа шьақәгылоит адемократиа апринципқәа инарықәыршәаны, ҳаҭыреиқәҵарыла. Иахьатәи аамҭазы аинтеллектуалтә хатәра иреиҳау малны ишьоуп. Ҳара Аԥсны уи ахәшьара рацәак иаҳзаҭом, аха иарбанызаалак абренд – мазароуп. Атәыла анҭыҵ ҳабрендқәа аус заҟа ирацәаны ируа аҟара атәылагьы беиахоит.

- Имҩаԥыжәгаз шәусурақәа ирылҵшәахазеи?

— Иаҳҳәаз раҳаит. Роспатент ҳашәҟәы аднакылеит. Аԥсуа ҩқәа рдистрибиутор "Мистраль алко", иара убасгьы ҳара ҳусбарҭа иаку апозициа еицҳаман: арҭ аҩқәа Урыстәылатәи Афедерациаҟны рыҭира аанкыламхар аӡбарҭахь ҳнеиуеит ҳәа.

Аԥснытәи ацитрусқәа. - Sputnik Аҧсны
Ҭенгьиз Ҭарба: Аԥсны ҳхатә бренд ахьҳамам атәыла аӡыргара иаԥырхагоуп

Ахархәаҩцәа рзинқәа рыхьчара азакәан инақәыршәаны иҟоу аҭагылазаашьала урыстәылатәи ахархәаҩгьы джьан – уи аԥсуа ҩы ацынхәрас иаадырхәон Қырҭтәыла иҭрыжьуа аалыҵ.

Зыӡбахә ҳамоу аԥшь-аалыҵк рганахьала азыҳәақәа ырхынҳәуп. Урҭ уаҳа аҭаҩрахь инаргом.

- Аҩқәа "Алсны гор", "Лывны гор" ирҭагылазаашьозеи?

– Арҭ аҩ-тауартә дыргақәа 2012 шықәса рзы аилак "Дул Алко" аҭаҩра рнаҭеит. Урҭ апатенттә цқьараз аекспертиза ишахысыз атәы цқьа еилкаам.

Ашәҟәқәа шьҭуп Роспатент аиԥш "Дул Алко" ахьгьы, дара рҭаҩра мҩаԥызгоз аиуристтә еилакы "Ай Пи Про" ахаҭарнакцәа рахьгьы.

Арҭ аҩ-тауартә дыргақәа рганахьала аҭагылазаашьа макьана еилкаам. Аԥснытәи агани Урыстәылатәи агани уи ҳалацәажәаны, Аԥсны Аҳәынҭқарра аҵакырадгьыл иахьаҵанакуа атауартә дыргақәа рзы азакәан ахәҭа 4 инақәыршәаны, арҭ атауартә дыргақәа русура аанаҳкылароуп

- Шәара шәусбарҭа ԥхьаҟазы аԥсуа брендқәа рыхьчаразы усқәас имҩаԥнагараны иҟоузеи?

— Ари аус ҳара ҳзы иҿыцу акоуп. Гәҭакны иҳамоуп ԥхьаҟагьы ҳара ҳҵакырадгьыл иахьаҵанакуа анҭыҵгьы ареспубликатә интеллектуалтә хатәра ахьчара.

Уажәазы ҳара архиара ҳаҿуп анорматив-зинтә акт. Аминистрцәа Реилазаара аилатәараҟны иаздырхиараны иҟоуп амилаҭтә брендқәа рреестр азы ақәҵара адкылара. Уи инақәыршәаны ҳара иалаҳкаараны ҳаҟоуп Аԥсны амацара адагьы анҭыҵгьы аҳәынҭқарратә хьчара зҭахны иҟоу атауартә дыргақәа.

Аԥсны беиоуп ахатәы брендқәа рыла атуризм, ақыҭанхамҩа русхкқәа рҟны. Ҳара иаҳуалуп урҭ зегьы ахьчара рыҭаны ҳҳәынҭқарра иамалны аҟаҵара.

Ажәабжьқәа зегьы
0