Александр Шоуа

ConIFA-2016 агимн анагӡаҩ Александр Шьоууа аестрада аҿиара дазыԥшуп

13
Ашьапылампыл азы адунеи ачемпионат ConIFA-2016 агимн анагӡаҩ Александр Шьоууа еиҭеиҳәоит ахәмаррақәа раартра ацеремониа рыҽшазыҟарҵоз атәы.

Адует "Непара" асолист, Ашьапылампыл азы адунеи ачемпионат ConIFA-2016 агимн анагӡаҩ Александр Шьоууа, Sputnik акорреспондент Владимир Бегунов диҿцәажәеит.

– Александр, шәара ихиаз агимн шәыдыргалоу иара аҩра шәалахәызу?

– Апроцесс зегьы збон. Агимн автор Анри Гәымба атекст иақәшәо ҩба-хԥа музыка аус рыдиулон. Нас абри авариант алаҳхит. Сара даара ибзиоуп ҳә ахысҳәаауеит. Хитк акәны избоит.

– Заҟа аамҭа агазеи аҽазыҟаҵара?

– Аранжировка аамҭа рацәа аҳҭеит. Аҭаҩра мышкала иҟасҵеит, иара Анри Гәымба истудиаҿы.

– Иааидкыланы ачемпионат аартра ацеремониа шԥажәбо?

– Адунеитә стандартқәа ирықәшәоит сҳәоит. Арежиссиор Тимур Кәакәасқьыр зегьы еидикылеит, иаӡәыкитәит.

– Шәара апроект Apsny Star шәалахәын. Усеиԥш уаҳа акрыҳзыԥшума?

– Хымԥада. Apsny Star апроект авторцәеи сареи ҳаилацәажәалоит. Агәҭакқәа рацәаны иҳамоуп. Макьаназы аԥсуа естрада ҿиаларц азы иҳалшо ҳаҿуп.

– Ателепроектқәа руак аҿы шәара инашәыгӡеит ашәа "Землянка". Асеиԥш иҟоу ашәақәа ҳаамҭа иақәшәо иҟаҵалатәума?

– Анагӡаҩ урҭ ашәақәа ихаҭа инырны инеимыгӡозар арҿыцра акгьы иахәом.

– Адует "Непара" абриаҟара алаҵәара иамаз иахышәҳәаауазеи?

– Асеиԥш иҟоу анализ азура залшом. Сгәы иаанагоит азыӡырыҩцәа ҳаартра ихнахит ҳәа.

– Аурыс естрадаҿ ԥсахрақәаны ижәбозеи? Уахь анеира еиҳа ианбамариоу?

– Усҟангьы уажәгьы уахь алалара уадаҩуп. Ихадароу ухатә ҭыԥ аԥшаароуп. Уажәы ателехәаԥшратә конкурсқәа рацәоуп аха уа аиааира згаз абаҟоу? Урҭ аацәырҵуеит нас рхабар убаӡом. Ауаа уконцерт ахь инеирц уааҟәымҵӡакәа аус уулароуп. Иаҳҳәап, Стиви Уандер, альбом "Talking Book" ҭеиҩаанӡа егьырҭ апластинкақәагьы иман. Урҭ аӡәгьы издырамызт аха иара деиздырҳауан. Ауаҩы деизҳарц азы аамҭа аҭахуп.

– Иарбан музыкоу бзиа ижәбо?

– Enter Sandman “Металлики” атәы. Акомпозициа I See Fire Эд Ширан итәы, афильма "Хоббит" аҟынтәи, иара убасгьы Стиви Уандер.

– Адуэт "Непара" иаԥеиԥшузеи?

– "Непара" иахьагьы иҟоуп аха аамҭак азы хазы-хазы аус ааурц, ҳаԥсы ҳшьарц ҳаӡбеит.

- ConIFA-2016 аркра атәык ҳашәҳәар?

— Авариантқәа хԥа ҳамоуп. Иҟало нас иаабап.

13