Аԥсны акультура аминистр Санкт-Петербург имҩаԥысуаз афорум далахәын

© Sputnik / Алексей Даничев / Амедиаҵәахырҭахь аиасраСанкт-Петербург имҩаԥысуаз акультуратә форум Аԥсны алахәын
Санкт-Петербург имҩаԥысуаз акультуратә форум Аԥсны алахәын - Sputnik Аҧсны
Анапаҵаҩра
Аԥсны акультура аминистр Ельвира Арсалиаԥҳа Санкт-Петербург имҩаԥысуаз Жәларбжьаратәи акультуратә форум далахәын.

АҞӘА, ԥхҷ 10 – Sputnik. Ари афорум акрызҵазкуа проектуп, уаҟа акультуратә политика азҵаарақәа ирылацәажәоит: уи хырхарҭас иамоу, ԥхьаҟатәи агәҭакқәа ртәы Sputnik акорреспондент изеиҭалҳәеит Аԥсны акультуреи амилаҭтә-культуратә ҭынхеи рминистр Ельвира Арсалиаԥҳа.

Аминистр лгәаанагарала, ас еиԥш иҟоу аусмҩаԥгатәқәа рҟны Аԥсны алахәхара хадара злоу агуманитартәии акультуратәии ҵакы амоуп ҳҳәынҭқарразы.

"Акультура еиднакылоит еиуеиԥшым ауаа, уи гармониала реизыҟазаашьақәа аҳәаақәҵара иацхраауеит. Афорум амҩаԥгара алшара ҟанаҵеит еиуеиԥшым аҳәынҭқаррақәа рҟынтә ҳколлегацәеи ҳареи иформалтәым ҳаицәажәаразы", лҳәеит Ельвира Арсалиаԥҳа.

Ермитаж 250 шықәса ахыҵра иазкыз ахԥатәи жәларбжьаратәи акультуратә форум мҩаԥысуан ԥхынҷкәын 7 инаркны 9-нӡа Санкт-Петербург ақалақь аҟны.

Ажәабжьқәа зегьы
0