Каман Аӡӡаахра, аҭыԥан иҟаҵоу афотосахьа.

Шәҩык инареиҳаны ақьырсианцәа Каман имҩаԥысуаз аныҳәара рхы аладырхәит

15
(ирҿыцуп 12:45 19.01.2015)
Аԥснытәи ақьырсианцәы рхы аладырхәит ацқьа Василиск иӡыхь аҿықә аҟны мҩаԥгаз аныҳәара.

АҞӘА, ажь 19– Sputnik, Роберт Џьопуа. Ажьырныҳәа 19 ахәылбыҽхазы Қьырса Иӡӡаахра Аныҳәа азы ацқьа Василиск иӡыхь аҿықәаҟны аныҳәара мҩаԥган. Уи иалахәын шәҩык инареиҳаны ақьырсианцәа.

"Есышықәса зқьҩыла ауаа аҳәаанрцәынтәи ацқьа Василиск иӡыхь иаҭаауеит. Еиҳарак ирацәаҩны еизоит Қьырса Иӡӡаахра амш азы. Иахьа аҭыԥантәи аԥсуаа рыда арахь имҩахыҵит ақьырсианцәа Урыстәыла еиуеиԥшым акәакьқәа рҟынтә", – иҳәеит аныҳәара мҩаԥызгоз Игнати (Кьиут).

Иоанн Ахьыҿаԥыц иуахәама аусзуҩ Игнати (Кьиут) ишазгәеиҭаз ала, аӡыхь ахылҵшьҭра ацқьа Ваилиск, Иоанн Ахьыҿаԥыц, Иоанн Аӡӡаахҩы рыхьӡқәа ирыдҳәалоуп.

15