Аҟәа акарантин ахарала арҵаратә хыбрақәак аркызаауеит

© Sputnik / Виталий Аньков / Амедиаҵәахырҭахь аиасраАҟәа акарантин ахарала арҵаратә хыбрақәа руак аркызаауеит
Аҟәа акарантин ахарала арҵаратә хыбрақәа руак аркызаауеит - Sputnik Аҧсны
Анапаҵаҩра
Ареспиратортә вирустә инфекциа ацәырҵра иахҟьаны Аҟәатәи аҵараиурҭақәак рыҟны акаранҵин рылаҳәазаауеит.

АҞӘА, ажь 28 — Sputnik, Анастасиа Никонова. Асанитарепидемиалогиатә маҵзура аҳҭнықалақь Аҟәа зегьы азеиԥштә карантин рыларҳәаӡом, абри атәы Аҟәатәи араион асанитартә ҳақьым хада Алла Белиаева Sputnik акорреспондент иалҳәеит. Лара лажәақәа рыла акаранититә усқәа аҵараиурҭақәа шьоук роуп изхьысуа.

"Аԥсны ари авирус ҿыцуп. Иаҭаху алабораториақәа рыҟамзаара ахарала аимҳәычымазара аасҭа ари авирустә инфекциа аанкылара цәгьуп. Иҟалап ари аинфекциа ашықәс ҿыцтәи аныҳәақәа раан аҳәаанырцәынтәи иаагазаргьы", – лҳәеит Белиаева.

Ареспиратортә вирустә инфекциа зшьапы иқәгыланы изхызго ргәабзиара еицәахар ҟалоит ҳәа лҳәеит аепидемиалогиатә маҵзура аиҳабы.

"Уи авирустә инфекциа змоу диазароуп. Ачымазаҩцәа реиҳараҩык антибиотикқәа рхы иадырхәоит, уи гха дууп. Антибиотикқәа рыжәра аинфекциа аԥыхра иацхырааӡом, аиммуннитет ланырҟәуеит", – инаҵшьны иазгәалҭеит Белиаева.

Белиаева лажәақәа рыла, авирустә инфекциа змоу ауаа аӡи, авитаминқәеи, ашоура зыртәо ахәшәқәеи рыжәлароуп.

Ажәабжьқәа зегьы
0