Аусӡбара Занҭариа иганахьала ихацыркыз ашьаус закәаным ҳәа иаԥхьаӡеит

Аӡбарҭа Занҭариа иганахьала ихацыркыз ашьаус закәантәым ҳәа иаԥхьаӡеит

27
(ирҿыцуп 16:21 11.02.2015)
Аҟәа ақалақьтә усӡбарҭа ақәшаҳаҭхеит Аҳәынҭқарратә еилахәыра "Амшынеиқәафымцамч" ԥасатәи ахада Резо Занҭариа идукатцәа рышшаԥхьыӡ, Апрокуратура хада ихацнаркыз аусҭҵаара шзакәаным ала.

АҞӘА, жәб 11 – Sputnik, Бадраҟ Аҩӡба. Рустам Чагәаа хадас дызмаз Аҟәа ақалақьтә усӡбарҭа аилатәара ақәшаҳаҭхеит Резо Занҭариа дзыхьчоз адукатцәа рышшаԥхьыӡ Апрокуратура хада ихацнаркыз аусҭҵааразы. Абри атәы Sputnik акорреспондент иааицҳаит аусӡбара аилатәара аҟынтә.

Апрокуратура хада ишаԥхьаӡо ала, Резо Занҭариа иусуратә уалԥшьақәа дахьырхысыз иахҟьаны аҳәынҭқараа аԥхасҭа аиҭеит ф-миллионк инареиҳаны рыла. Апрокурорцәа иазгәарҭоит Занҭариа аусзуҩцәа амаҵураныҟәарахь ишьҭуан ҳәа.

Ахьчаҩцәа иазгәарҭоит Аҳәынҭқарратә еилахәыра "Амшынеиқәафымцамч" ашәахтәқәа зегь шашәаз, уи зыршҳаҭуа ақьаадқәагьы шыҟоу.

Аӡбаҩ аус аганқәа зегь гәаҭаны алкаа ҟаиҵеит Резо Занҭариа иганахь ала ихацыркыз аус закәаным ҳәа.

Аҟәа ақалақьтә усӡбара иаднакылаз аӡбара жәамш ирылагӡаны Аԥсны иреиҳау аусӡбарахь аиҭахәаԥшразы ишьҭызар ауеит.

27
Атемақәа:
"Амшынеиқәафымцамч" аусура (7)