Владислав Григорьевич Ардзинба. Архивное фото.

Владислав Арӡынба игәаларшәара иазку афотоцәыргақәҵа Москва иаатуеит

57
(ирҿыцуп 11:22 13.05.2015)
Владислав Арӡынба диижьҭеи 70 шықәса аҵра аҳаҭыраз Москва, ВДНХ аԥсуа павильон аҟны афотоцәыргақәҵа аатуеит.

АҞӘА, лаҵ 13 – Sputnik, Асҭанда Арӡынԥҳа. Владислав Арӡынба ихьӡ мацара Аԥсназы зегь аҳәоит, ҳәа азгәеиҭеит Аԥсны аҳәынҭқарратә музеи аиҳабы Аркади Џьопуа. Уи иажәақәа рыла, афотоцәыргақәҵа Урыстәыла ауааԥсыра Владислав Арӡынба Аԥсны аҭоурых аҿы ҭыԥс иааникыло деилнаркаауеит.

"Ацәыргақәҵа иалахәхо аматериалқәа Владислав Арӡынба ихаҭара аазырԥшуа роуп. Урҭ алшара ҟарҵоит уи изкны адыррақәа разырҳара, мамзаргьы дызладырым даҽа ганк ала уи иаарԥшра. Ҳара даара ҳгәы дууп асеиԥш иҟоу ахада дахьҳамаз", — иҳәеит Џьопуа.

Москва иаартхо афотоцәыргақәҵа аҟны Владислав Арӡынба еиуеиԥшым аамҭақәа рзы ииҩыз аусумҭақәа, аҭаацәатә архив аҟнытә афото-, видеоматериалқәа, иара убас Аԥсны аҳәынҭқарратә музеи аҟнытә афото-, видеоматериалқәа.

Афотоцәыргақәҵа аартхоит Москва, ВДНХ апавильон "Аԥсны" аҟны.

57
Атемақәа:
Владислав Арӡынба диижьҭеи 70 шықәса аҵра (18)