Музей Боевой Славы. Архивное фото.

Владислав Арӡынба раԥхьатәи имашьына амузеи иаҭоуп

46
(ирҿыцуп 17:13 14.05.2015)
Автомашьына "Волга" ГАЗ 24-10 Аԥсны раԥхьатәи ахада Владислав Арӡынба раԥхьатәи имаҵуратә машьна акәын.

АҞӘА, лаҵ 14 – Sputnik. Акомпаниа "Амобаил" аиҳабы Борис Барцыц Афырхаҵареи ахьӡ-аԥшеи рҳәынҭқарратә музеи иеиҭеит Аԥсны раԥхьатәи ахада Владислав Арӡынба иавтомашьына "Волга" ГАЗ 24-10 ацаԥхақәа.

"Ахьӡ-аԥша абаҳча, ҳаибашьцәа рыԥсыбаҩқәа ахьамадоу аҿаԥхьа Владислав Арӡынба имашьына ахьыргылахо асимволтә ҵакы амоуп. Арӡынба иоуп ҳажәлар рҭоурых аҟны зегь реиҳа ианыхьанҭаз аамҭазы аԥхьагылара зылшаз", — иҳәеит Борис Барцыц.

Борис Барцыц иажәақәа рыла, Владислав Арӡынба раԥхьатәи имашьына аԥшаара ргәы иҭаркит 2015 шықәса уи ихьӡ шахҵахо анеилкааха инаркны.

"Есышықәса, ҳҭоурых азы аҵак ҷыда змоу амаҭәарқәа рыԥшаара уадаҩхоит. Аибашьра ашьҭахь рацәак шымҵуагьы, ҳара ауадаҩрақәа ҳамоуп амаҭәарқәа реидкылараан. Агәыӷра сымоуп иԥшааны амузеи иаҭахоит ҳәа Владислав Арӡынба идҳәалоу егьырҭ амаҭәарқәагьы ҳәа", — лҳәеит Афырхаҵареи ахьӡ-аԥшеи рҳәынҭқарратә музеи аиҳабы, Аԥсны Афырхаҵа Мзиа Беиаԥҳа.

Владислав Арӡынба раԥхьатәи имашьына аиҭашьақәыргыларатә усурақәа рышьҭахь Афырхаҵареи ахьӡ-аԥшеи рҳәынҭқарратә музеи иаҭахоит.

46
Атемақәа:
Владислав Арӡынба диижьҭеи 70 шықәса аҵра (18)