Акультура аминистрра аофициалтә саит аусура иалагеит

© SputnikАкультура аминистрра аофициалтә саит
Акультура аминистрра аофициалтә саит - Sputnik Аҧсны
Анапаҵаҩра
Акультура аминистрра аофициалтә саит аҟны ахархәаҩцәа ирыдгалахоит Аԥсны акультура иадҳәалоу атекстәии амультимедиатәии материалқәа.

АҞӘА, ԥхынгәы 21, Sputnik, Наала Аҩӡыԥҳа. Аԥсны акультуреи аҭоурых-культуратә ҭынха ахьчареи рминистрра аофициалтә саит аусура хацнаркит.

Абри атәы Sputnik иазаалыцҳаит ауаажәларра рнырразы аминистрра аҟәша аиҳабы Лана Аҩӡыԥҳа. Лара лажәақәа рыла акультура аусхк аганахьала ареспубликаҟны имҩаԥысуа ажәабжьқәа уажәшьҭарнахыс асоциалтә ҳа ахархәаҩцәа асаит аҟны ирбалар алшоит.

"Аресурс иунарбоит Аԥсны акультуратә ԥсҭазаара амҩаԥысшьа ааидкыланы – аусҳәарҭақәа, аҭоурых-культуратә ҭынха аобиектқәа, ареспублика акультуреи аҟазареи русзуҩцәа уҳәа рзы адыррақәа. Уи адагьы асаит аҟны ицәыргоуп имҩаԥысраны иҟоу ауснагӡатәқәа заанаҵы рылаҳәара. Уи иалнаршоит аинтерес змоу зегьы ианаамҭоу иҟалараны иҟоу дырдырра", — лҳәеит Лана Аҩӡыԥҳа.

Уи адагьы асаит аҟны атекстқәа ркьыԥхьра адагьы афото, авидео, аудио материалқәа цәыргахоит.

Асаит шәахәаԥшырц шәылшоит http://mkra.org/ аҟны.

Ажәабжьқәа зегьы
0