Маҳинур Папааԥҳа

Маҳинур Папааԥҳа: Кериман - аамҭа бзиақәа рбырфын тыԥҳа лакәын

40
(ирҿыцуп 17:55 24.07.2015)
Ишәыдаагалоит Ҭырқәтәылатәи ҳдиаспора ирхылҵшьоу аҵарауаҩ, аиҭагаҩ Маҳинур Папааԥҳа Кериман Ебжьноу илызкны Абираҟ амш аҽны Москватәи лықәгылара.

АҞӘА, ԥхн 24 — Sputnik. Ҭырқәтәылатәи ҳдиаспора ирхылҵшьоу аҵарауаҩ, аиҭагаҩ Маҳинур Папааԥҳа Кериман Ебжьноу илызкны Абираҟ амш аҽны Москватәи аԥсуа диаспора реизараҿы дықәгылеит.

"Ҳатыр зкәу асас дахьцәа, аԥсуаа шәхаҵкы!

Иахьа абра Аԥсуаа рдиасԥора дукәа ҳаиқәшәо ҳҟалазар, уи аҵакду амоуп.

Зегьы раԥхьа инаргыланы, ишәыдысныҳәалоит иахьаҭәи амш! Aԥсуа бираҟ зхы иақәиҭу Аԥсны адунеи ыҟанаҵ иакәышәыршәырааит!

Аԥсуа дахьыҟазалаакгьы гәҭыха ӡацәык иымоу иыԥсадгыл Аԥсны ахақәиҭреи, иыжәлар, икультура, ихатәы бызшәа реиқәырхареи оуп.

Зыԥсадгьыл иацәыхароу рхьаа зыԥсадгьыл иацәыхарао реиҳа иыздыруада? Ҳара иахьанӡа ҳаԥсадгьыл гәырҩас иахьҳамаз азы адиасԥораа ҳтоурых ҽеила ҳзахәамԥшит.
Иеилаҳкааз убри оуп: арс акәу, анс акәу, зыԥсадгыл иацәыхароу ԥсыуак иԥсадгьылгьы иаԥсуарагьы ихаштуам, ишьа, ида, игенетикатә ҷыдарақәа зегьы шыҟац иаанхоит.
Раԥхьа Ҭыркәҭыла, нас адунеи аԥшӡа ҳәа иалырхыз Быжьнау-ԥҳа Кериман, лыԥшӡара анаҩс лаамысташәарагьы ахьӡ аԥша агеит. Уыи зыбзоураз Кериман лҭаацәара рҿынҭә илгаз аԥшӡарарақәа ракәын. Кериман лабиԥара Аԥснынҭә, Аҟәанҭә ишыхдырҵәаз аабоит.

Лабду Быжьнау Муҳлис-ԥашьаи, агьырт иашьцәа Ҳуршид-ԥашьа, Исмаил-беи, Тунуслу Ибрагим-ԥашьагьы ианхәыҷыз Султан Маҳмут иаҳҭынра иааганы аҵара ддырҵеит. Асулҭан актәи иԥшәма ԥҳәыс лашьцәа ракәын азы.

Ҳара Ҭырқәҭәылаҭәи адиасԥора ҳҭоурых, еиҳарак амҳаџырра ду ала ҳалагоит аха, уи ԥытк аԥҳьагьы ахҵәара дуқәа ҟалеит. Уи иацхраауан аҳтынраҿы итәаз аԥсуаа рҭыԥҳацәа, дара анцалак ашьҭахь рашьцәагьы ргон. Абас акәын  Ҭырқәҭәыла раԥхьаӡаҭәи асахьаҭыхҩы Ачԥҳа Миҳри лабиԥара рҭоурыхгьы шыҟаз.

Ара џьашьҭәыс иҟаз убри акәын, ҳауаажәлар иахьааиз баша итәомызт. Аҵара рҵон, дхаҵаӡааит, дыԥҳәысзааит аҵара ԥату ақәырҵон. Уысҟан ҵараиурҭас иҟаз атыԥқәа зегьы аҳтынра иадҳәалан. Аамҭала ашкол дуқәа шьақәзыргылазгьы дара ракәхеит.

Ҭырқәҭәыла амҳаџьырра аԥхьа Османаа раҳтынра иагаз Кавказ жәларқәа иреиуаз ауаа нагақәа рыӡбахә анырыҩуаз рхьыӡ аԥхьа  рмилаҭ хьыӡгьы анырҵон: Абаза Ҳасан-ԥашьа, Черқьес Оздемир-ԥашьа, Гурџьу Меҳмет-ԥашьа еиԥш. Аха аамҭала аԥсуа, адыга, аубых жәларкәа иреиуоу зегьы Ҷеркьес ҳәа рарҳәо иалагеит.

Ҷыдала иҭыумҵаар, рыжәлақәа узеилымкаартә иҟалеит. Ус акәын Кериман Ҳалисгьы илыхьыз. Аха зыԥсы ҭоу реиҳабацәа ҳанразҵаа лаб Быжьнау, лан Чызамук шрыжәлоу еилаҳкааит. Сефер Берзег арҭ аҩ-жәлакгьы иыубыхны ауп ишыиҩуа. Аха Быжьноуаа акыр аамҭа аахыижьҭеи иаԥсыуахеит азын, Каиалар иынхоз аԥсуаа анцәырҵ, даргьы Кериман леиԥш Еџье ҳәа ажәла хьӡы шьҭырхит. Кериман иырзаалышьҭыз асалам шәҟы иақәныҟеит. Уи асалам шәҟы роуанӡа ажәла хьӡы штызхыз Быжьноуаагьы ыҟан, Быжьноуԥҳа Мерве урҭ дреиуауп.

Кериман Ҳалис фы-шыкәса зхыҵуаз Аҭырқәа Республика аԥшьбатәи аԥшӡара аконкурс лаб иҩызцәа маӡала даларҵеит. Жәаа шықәса зхыҵуаз, зыхцәы еиқәаҵәаӡа, зцәа шкәакәаӡа, зычаԥашьа еинаалаӡа игылаз аҷерқьес тыԥҳа, ихааӡа данԥышәрычча, адунеи зегьы ргәы лԥааит. Иаразнак лыԥшӡара еиԥш лаамысҭашәагьы гәарҭеит. Даналырх аҿны  55 нызқь адныҳәалара шәҟы лоуит. Лыԥшӡара акыраамҭа Аҭырқәа Республикеи аҭырқәа жәлари хырҽхәагас ироуит. Ԥшӡарас иҟаз зегьы лара илыдырҳәалеит.

Апоет иҳәашьала, Кериман аамҭа бзиақәа рбырфын тыԥҳа лакәын…

Кериман лыӡбахә шаанӡа ҳалацәажәаргьы ҳазалгарым.

Иахьа уажәраанӡа иаасымԥыхьашәаз Кериман илызкыны аҩымтакәарҿы иырҩыкәаз аԥсышәахь иеитаганы, хатала исыԥшааз дырракәакгьы наццаны шәыҟыхучцк ҟаҵаны иышәзаазгеит. Иышгәаԥхар аурысшәахьгьы иеитаганы иышәкьыԥхьып.

Кериман лыԥшӡара аԥсуа диасԥоракәа рыбжьарагьы мҩа ԥышӡак ылнахит. Макьана иеибаҳҳәаша, иҟаҳҵаша аус бзиақәа ҳаԥхьа игылоуп.

Абзиақәа шәыгымзааит!"

Кериман Халис Эбжноу – первая  «Мисс Мира»
Кериман Халис Эбжноу – первая «Мисс Мира»

40