Пресс-конференция ТПП.

Гагәылиа Нижни Новгород ахь иусутә визит азы: ҳара ҳахь аара иазыхиоуп

6
(ирҿыцуп 16:01 27.07.2015)
Аԥсны Ахәаахәҭра-ааглыхратә палата Нижни Новгород ақалақь аҟны имҩаԥнагеит атәыла аинвестициатә лшарақәа рӡыргара.

АҞӘА, ԥхынгәы 27 — Sputnik, Роберт Џьапуа. Аԥсны Ахәаахәҭра-ааглыхратә палата Нижни Новгород ақалақь Ахәаахәҭра-ааглыхратә палатаҟны имҩаԥнагеит Аԥсны аинвестициатә лшарақәа рӡыргара ԥхынгәы 22 рзы. Абри атәы иҳәеит Аҟәа имҩаԥысыз апресс-конференциаҟны Аԥсны Ахәаахәҭра-ааглыхратә палата апрезидент Геннади Гагәылиа.

"Аӡыргара аҳәаақәа ирҭагӡаны имҩаԥган астол гьежь "Нижни Новгород аобласти Аԥны Аҳәынҭқарреи реинырраҿы актуалтә зҵаарақәа" атемала. Аиԥылара иалахәын аобласт анаплакыҩцәеи анагӡаратә мчра аорганқәа рхаҭарнакцәеи. Ауснагӡатә даара аинтерес рызцәырнагеит анаплакыҩцәа", — иҳәеит Гагәылиа.

Гагәылиа иажәақәа рыла, аԥсуа делегациа авизит аҳәаақәа ирҭагӡаны иара убасгьы имҩаԥган Аԥсни Нижни Новгороди рыбжьара ахәаахәҭра-економикатәи акультуратәи усеицура азҵаарақәа рзы астол гьежь.

"Ҳныҟәара даара хра аманы иҟан, ибзианы иазырхиан. Дара рганахь ала аилибакаара ҳаман. Иахьа дара ҳара ҳахь аара иазыхианы иҟоуп", — иҳәеит инаҵшьны Геннади Гагәылиа.

Аделегациа иара убасгьы иалахәын Ақыҭанхамҩа аминистр ихаҭыԥуаҩ Владимир Дауров, Акурортқәеи атуризми рзы аминистр ихаҭыԥуаҩ Асҭамыр Ахба, ТПП апрезидент ихаҭыԥуаҩ Адгәыр Лышәба.

6