Абхазия и Южная Осетия подписали соглашение о безвизовых поездках

Аԥсныи Аахыҵ Уаԥстәылеи рнапы аҵарҩит визада аиҭанеиааираз Аиқәшаҳаҭра

15
(ирҿыцуп 10:51 18.08.2015)
Визада аиҭанеиааираз Ақәшаҳаҭра азакәантә шьаҭа анаҭеит иахьазы атәылақәа рыбжьара иҟоу аҭагылазаашьа.

АҞӘА, нанҳәа 18 — Sputnik. Аахыҵ Уаԥстәылеи Аԥсны Аҳәынҭқарреи рнапы аҵарҩит аҩ-тәылак ртәылауаа визада реиҭанеиааиразы Аиқәшаҳаҭра ҳәа аанацҳауеит Sputnik Аахыҵ Уаԥстәыла.

Аахыҵ Уаԥстәыла Апрезидент Леонид Тибилов далахәны имҩаԥысит Виачеслав Чрыгбеи Казбулат Цховребови адокумент рнапаҵаҩра ацеремониа.

Леонид Тибилов иажәақәа рыла, визада аиҭанеиааираз аиқәшаҳаҭра иханарҭәааит уаанӡа анапы зҵарыҩхьаз аиқәшаҳаҭрақәа.

Иара убасгьы иазгәеиҭеит уажәтәи аиԥылара, нанҳәа 26 аламҭалаз имҩаԥысуа, аҵак ҷыда шамоу Аԥсны азынгьы Аахыҵ Уаԥстәыла азынгьы.

Аԥсны Аҳәынҭқарра Адәныҟатәи аусқәа рминистрра ахада Леонид Тибилов ҭабуп ҳәа иеиҳәеит адкылара бзиазы, иазгәеиҭеит иара раԥхьаӡа акәны Аахыҵ Уаԥстәыла дшаҭааз, ари авизит иара изы аҵак ду аманы ишыҟоу.

Анапы зҵарҩыз аиқәшаҳаҭра "ажәларқәа еидызкыло аҽа шьаҿакны иҟоуп" ҳәа азиҳәеит иара.

Уаанӡа Аахыҵ Уаԥстәыла Адәныҟатәи аусқәа рминистр ихаҭыԥуаҩ Алан Кочиев аиқәшаҳаҭра азырхиара ахҳәаақәа азуа иазгәеиҭахьан Ақәшаҳаҭра азакәан шьаҭа анаҭеит иахьазы иҟоу аҭагылазаашьа ҳәа.

15