Эмблема партии Айнар.

Аԥсны иаԥҵахеит иҿыцу аполитикатә партиа "Аинар"

10
(ирҿыцуп 10:29 07.09.2015)
Аексперт цхырааразы афонд "Аинар" политикатә партиахеит.

АҞӘА, цәыббра 7 — Sputnik, Наала Аҩӡыԥҳа. Ашьаҭаркратә еизара аделегатцәа рыбжьыҭира аихшьаалақәа инарықәыршәаны, Аԥсны иаԥҵахеит аполитикатә партиа ҿыц. Аделегатцәа еицҿакрыла абри азы рыбжьы рҭиит.

Агәабзиарахьчара аминистр ихаҭыԥуаҩ, апартиа ахаҭарнак Баҭал Кациа иазгәеиҭеит апартиа аилазаараҟны ишыҟало ахантәаҩы, аполитикатә хеилак, уи алахәылацәа рықәра ҩынҩажәа шықәса еиҳамзароуп, иара убри адагьы иаԥҵахоит апартиа актив ахеилак. Арахь иалагалахоит аиҳабыратә абиԥарақәа рхаҭарнакцәа.

Баҭал Кациа иазгәеиҭеит акзаара ыҟамкәа аҳәынҭқарра аҿиара шзалымшо.

"Ҳара ҳзы иреиҳау усны иҟоуп ҳмилаҭ акзаатәра. Усеиԥш изыҟамлар еснагь ҳиааира мариахоит. Ҳаԥсуара ҳаиднакылароуп зегьы. Абраҟоуп ҳазҵаарақәа рҭак ахьыԥшаатәу", — иҳәеит Кациа.

Аполитхеилак ахантәаҩыс еицҿакрыла далхуп Ҭенгьиз Џьапуа. Апартиа алахәыла Алмас Џьапуа ишиҳәаз ала, ахантәаҩы ихаԥышәала аӡбрақәа идикылар ҟалом.

"Ахантәаҩы ишьҭахь игылоуп аполитхеилак. Иара аилазаара хәҩык рыла ишьақәгылоит. Урҭ рыда ахантәаҩы илшом аоперативтәи анапхгаратәи ӡбарақәа. Иара убасгьы иҟоуп иреиҳаӡоу ахеилак. Иара хыԥхьаӡарала иаҵанакыр ҟалоит 30-40–ҩык рҟынӡа ауаа", — иҳәеит Алмас Џьапуа.

Съезд партии Айнар.
© Sputnik. Томас Тхайцук
Съезд партии "Айнар".

Аполитхеилак иалахәхеит Баҭал Кациа, Адгәыр Лагәлаа, Дмитри Габелиа, Беслан Барцыц, Ҭенгьиз Џьапуа.

"Аинар" политикатә партиак аҳасабала ишьақәгылеит аексперттә цхыраара Афонд ҵаҵӷәыс иаманы. Аиҳараҩык алахәылацәа еиуеиԥшым аусхкқәа знапы рылаку иқәыԥшу ҟазацәоуп. Аиҭеиҿкаара атәы рылаҳәан Афонд аизараҟны, ԥхынҷкәын 18 рзы.

Афонд изныкымкәа атәыла аиҳабыреи анапхгареи рахь еиԥш Апарламент ахьгьы ажәалагалақәа ҟарҵахьан аекономикеи, агәабзиарахьчареи, аполитикатә системеи реиӷьтәразы.

10