Сессия Культура Абхазии: актуализация и сохранение начала работу

Иаатит астратегиатә сессиа "Аԥсны акультура: актуалртәреи аиқәырхареи"

8
(ирҿыцуп 16:43 09.09.2015)
2016 шықәса рзы акультуратә политикаҟны аԥыжәара зауа аусқәа разыԥхьагәаҭареи рырҿиареи рзы Аԥсны акультура аминистрра имҩаԥнагеит астратегиатә сессиа "Аԥсны акультура: актуалыртәреи аиқәырхареи".

АҞӘА, цәыббра 8 — Sputnik, Анжелика Бениаԥҳа. Астратегиатә сессиа "Аԥсны акультура: актуалыртәреи аиқәырхареи" аусура хацнаркит цәыббра 8 рзы, Иван Папасқьыр ихьӡ зху Амилаҭтә библиотекаҟны ҳәа аҭыԥ аҟынтәи иаалыцҳауеит  Sputnik акорреспондент.

Аԥсны акультура аминистр Ельвира Арсалиаԥҳа лажәақәа рыла, астратегиатә сессиа "Аԥсны акультура: актуалыртәреи аиқәырхареи" акультуратә политикаҟны аԥыжәара зауа аусқәа разыԥхьагәаҭареи рырҿиареи рзы ауп Аԥсны акультура аминистрра изымҩаԥнаго.

"Акультура аминистрра имҩаԥнаго астратегиатә сессиа "Аԥсны акультура: актуалыртәреи аиқәырхареи" еизнагеит акультуреи арҿиареи рҟны иналукааша аԥснытәии урыстәылатәии аҟазацәа. дара алацәажәон 2016 шықәсазы акультуратә политикаҟны еиҳа аԥыжәара зҭатәу аусқәа рызҵаарақәа", — лҳәеит Арсалиаԥҳа.

Асессиа аартреи апресс-конференциеи мҩаԥысит цәыббра 8 рзы, Иван Папасқьыр ихьӡ зху Амилаҭтә библиотекаҟны. Асессиа ааиртит Аԥсны Аԥыза-министр Артур Амқәаб.

Иара иазгәеиҭеит асеиԥш иҟоу ауснагӡатә аҵак ду аманы ишыҟоу.

"Ари асессиа Аԥсны аҿиараҿы алагала ду ҟанаҵароуп. Сгәы иахәан исыдыскылоит аминистрра иҟанаҵаз аусура. Ихадоу иҳамоу атрадициақәа рмырӡроуп. Аԥсуаа ирылдыршеит рмилаҭтә доуҳа, рхәыцра – Аԥсуара ашәышықәсақәа ирылганы аиқәырхара. Уи ҳазыгәдууазароуп. Амилаҭтә культура аҳәынҭқарра астратегиатә хыҵхырҭа акәны иҟазароуп. Акультура аҳәынҭқарра ашьақәгылараҟны иҷыдоу анырра анаҭоит", — азгәеиҭеит Аԥыза-министр.

Апресс-конференциаҟны иазгәаҭан Аԥсны акультура аминистрраҟны иахьазы аиҭакра дуқәа шыҟоу.

Апресс-конференциаҟны дықәгылеит Аԥсны Аҳәынҭқарра Ахада акультуреи, аҵареи, анаукеи рганахьала Иабжьгаҩ Владимир Занҭариа. Иара иҳәеит акультура алшамҭақәа шдуу аҳәынҭқарра арҿиараҟны.

"Акультура атрадициақәеи адоуҳареи реиқәырхара мацара акәым изыцхыраауа иара аекономикатә рҿиараҟынгьы хра змоу секторны ишьатәуп", — ҳәа азгәеиҭеит Занҭариа.

Асессиа мҩаԥысуеит цәыббра 8-9 рзы, Аҟәа. иара иалахәхоит ареспублика аминистррақәеи, акультура аусҳәарҭақәеи рхаҭарнакцәа, абизнесуааи анаплакыҩцәеи иара убасгьы акультура аусхк аҟны иналукааша урыстәылатәи аекспертцәеи апрактикцәеи.

Аԥсны акультура аминистр Ельвира Арсалиаԥҳа лажәақәа рыла асессиа иалнаршоит ҩымш рыҩныҵҟа аԥышәа аимдара, ԥхьаҟатәи аусурақәа рыпроблемақәеи рымҩаԥгашьеи рызҵаарақәа.

8