река.

Артезиантәи аӡыҵхырҭақәа Очамчыра араион ӡыла еиқәдыршәо иҟалоит

2
Аԥсны Ахада Рауль Ҳаџьымба ибеит Очамчыра араион Аӡҩыбжьа ақыҭаҟны иҟоу артезиантә ӡыҵхырҭа.

АҞӘА, цәыббра 8 — Sputnik, Саид Барганџьиа. Очамчыра араион Ахада Хьрыԥс Џьапуа иҳәеит артезиантә ӡыҵхырҭақәа быжьба Очамчыра араион ӡыла аиқәыршәаразы ишаԥҵахо.

Араион Ахада иҳәеит аӡыҵхырҭақәа ҩба Аӡҩыбжьа ишыҟало, ҩба – Аҭара ақыҭан, даҽа ҩба – Мықә, акы — Очамчыра ақалақь аҟны.

Џьапуа иажәақәа рыла, урҭ руак ахәԥса иартәоит 350 000 мааҭ аԥара.

Хьрыԥс Џьапуа иазгәеиҭеит аӡеизгарҭатә резервуарқәагь шаԥҵахо. Иара иҳәеит 10 тоннак зкуа абакқәа ишрылшо километрак аҟынӡа аӡы аихшара.

2