Здание генеральной прокуратуры

Аҳазалхҩы Маланӡиа ишьра аус ҭиҵаауеит апрокурор хада ихаҭыԥуаҩ

4
(ирҿыцуп 19:17 12.10.2015)
Аԥсны Аҳазалхратә еилакы ахәҭа "Гал" аусбарҭа аиҳабы Беслан Маланӡиа ишьра инадҳәаланы иаԥҵоуп аусбарҭабжьаратә шьаусҭҵаара-оперативтә гәыԥ. Иара напхгара аиҭоит ареспублика апрокурор хада ихаҭыԥуаҩ Омиани Логәуа.

АҞӘА, жьҭаара 5– Sputnik. Аԥсны Аҳазалхратә еилакы ахәҭа "Гал" аусбарҭа аиҳабы Беслан Маланӡиа ишьра инадҳәаланы иаԥҵоуп Аҩныҵҟатәи аусқәа рминистрреи Ашәарҭадаратә маҵзуреи рхаҭарнакцәа рыла ишьақәгылоу аусбарҭабжьаратә шьаусҭҵаара-оперативтә гәыԥ. Иара аусура напхгара аиҭоит ареспублика апрокурор хада ихаҭыԥуаҩОмиани Логәуа. Абри атәы аҳәоит Facebook аҿы иҟоу Апрокуратура хада адаҟьаҟны.

Беслан Маланӡиа иԥсыбаҩ рыԥшааит жьҭаара 2, асааҭ 8 рҟынӡа инеихьаны, Тамшьтәи ашкол-интернат аҿаԥхьа иҟоу аԥсыжырҭақәа рааигәара.

Ашьаусҭҵаара нап аланакит Очамчыра араион апрокуратура.

Уаанӡа адырра ҟаҵан Беслан Маланӡиа Тамшь ақыҭа, иҩны ааигәара дышьны дырбеит ҳәа. Гал араион апрокурор Кахи Пертаиа иажәақәа рыла, ауаҩшьра асааҭ 5 инарзынаԥшуа иҟалеит.

Беслан Маланӡиа 2000 — 2001 шықәсқәа рзы аус иуан Аҳазалхратә еилакы аидареи апассаџьыр мҩангареи рыҟәшаҟны. 2010 —2011 шықәсқәа рзы Аҳазалхратә еилак аҟны аҳазалхратә еиҿкаареи аҳазалхратә хылаԥшреи рыҟәша аҟазауаҩ хадас аус иуан.

2014 шықәса, абҵарамза инаркны аус иуан Галтәи аҳазалхратә усбарҭаҟны.

"Аҳазалхратә маҵзура аподполковник" ҳәа ахьӡ ҷыда ихҵан.

4