Скачки

Гәдоуҭатәи еизгоу акоманда аҽырхәмарразы Аԥсны иачемпионхеит

36
(ирҿыцуп 19:17 12.10.2015)
Бзыԥтәи аипподром аҟны жьҭаара 3-4 рзы имҩаԥысуаз аҽырхәмаррақәа рҟны еизгоу Гәдоуҭатәи акоманда аиааира агеит.

АҞӘА, жьҭаара 5 — Sputnik, Асҭанда Арӡынԥҳа. Бзыԥтәи аипподром аҟны жьҭаара 3-4 рзы имҩаԥысуаз аҽырхәмаррақәа рҟны еизгоу Гәдоуҭатәи акоманда аиааира ргеит, аҩбатәи аҭыԥ ранашьахеит Очамчыра араион аспортсменцәа, ахԥатәи аҭыԥ — Лыхны ақыҭа аспортсменцәа ҳәа ҳзааицҳаит Аԥсны аҽылатә спорт Афедерациа апрезидент Аслан Камлиа.

Есышықәса имҩаԥырго ари атурнир рхы аладырхәит Гәдоуҭатәи, Гагратәи, Очамчыратәи араионқәа еизгоу ркомандақәеи Лыхны ақыҭа акомандеи.

"Ҩымш имҩаԥысуаз атурнир аҟны аспортсменцәа рҟазара аадырԥшит еиуеиԥшым аспорттә хкқәа рҟны. Акомандақәа ҩымш ирылагӡаны еицлабуан ҧсуаҵас аҽырхәмарра, аҭарчеи агара, аҵәеигәыдҵа, ҽыла ампыласра, аҳәаҟьара рҟны", — ҳәа азгәеиҭеит Камлиа.

Атурнир аҟны аԥхьахә занашьахаз Гәдоуҭатәи араион акоманда азеиԥшкомандатә зшьа аихшьаалақәа рыла иалыркааит.

Раԥхьаӡа акәны, аҽытә спорт азы Аԥсны ачемпионат аҳәаақәа ирҭагӡаны имҩаԥысит аспортсменцәа-хымхәацәа реицлабрақәагьы.

"Аспортсменцәа-хымхәацәа злахәыз аҽырыҩрақәа зегь раасҭа аинтерес рыҵан. Ахәаԥшцәа гыланы акәын напеинҟьарыла урҭ ишырԥылоз. Ҳара ҳрымҵахырхәоит асеиԥш афырхаҵара аазырԥшыз аспортсменцәа", — иҳәеит Камлиа.

Иара иажәақәа рыла, сынтәа раԥхьаӡа акәны Аԥсны ачемпионат апрграмма иаларгалеит "Аимҵакьачара". Афедерациа ԥхьаҟагьы иалшо зегь ҟанаҵалоит амилаҭтә спорт хкқәа ажәлар рыларҵәаразы ҳәа азгәеиҭеит Камлиа.

36
Атема ала
Аҽырхәмарра-спорттә школ "Леон" аҟны жьҭаарамза инаркны аҵара иалагоит
Раԥхьаӡа акәны Аԥсны имҩаԥысуеит атәыла ахада иаԥхьахә азы аҽырыҩра
Аиааира ду 70 шықәса ахыҵра иазку аҽырыҩра Дәрыҧшь имҩаҧысуеит