Приложение Аҧсуа Рыдыркыра в App store.

Асмартфонқәа змоу зықьҩык инареиҳаны "Аԥсуа рыдыркыра" рхы иадырхәоит

192
"Аԥсуа рыдыркыра" ацхыраарала аԥсышәала атекст акьыԥхьра рылшоит асмартфонқәа змоу зегьы.

АҞӘА, жьҭаара 16 — Sputnik, Наала Аҩӡыԥҳа. Аинтернети асоциалтә ҳақәеи рхархәаҩцәа алшара рымоуп рысмартфонқәа рҟны аԥсышәала ирҭаху акьыԥхьра, арыдыркыра аԥсахрала.

Абри азы иқәыргылатәуп Ацҵа "Аԥсуа рыдыркыра" App Store, ма  Play Market рҟынтәи. Ацҵа ухы иауырхәартә еиԥш иҟалеит 2014 шықәса хәажәкырамза аахыс. "Арыдыркыра" (аклавиатура) ажәа "арыд" (аклавиша) аҟынтәи иаауеит. Ацҵа автор Мураҭ Гапов  иинформациала, абри аамҭа иалагӡаны зықьҩык рҟынӡа ахархәаҩцәа  иқәдыргылахьеит абри Ацҵа.

Уаанӡа аус зуаз апрограммақәа аԥсуа текст акьыԥхьра шалдыршозгьы уи нас ихкьыԥхьааны аҭыԥ ҷыдахь ииагатәын.

Ирацәаҩуп иахьа уажәраанӡа асеиԥш Ацҵа ыҟоуп ҳәа змаҳацыз. Асоциалтә ҳа  Facebook аҿы аилазаара "Ԥсышәала" (аԥсыуа бызшәала) аԥызҵаз Ҭемыр Ладариа абри атәы машәырны иаҳаит, агәыԥ алахәылацәагьы идирдырит.

"Аҩны сыҟан. Сыԥшәма слазҵааит абаза бызшәа аҟынтәи ажәак аҵакы шԥаҟало ҳәа. Лара программак лзықәгылан, иаразнак аҭак сзылыԥшааит. Сара сгәы иаанагеит ҳаргьы абри аҩыза ҳамандаз ҳәа. Арахь иҟазаап уи аҩыза апрограмма, сара исыздырамызт акәымзар. Даара иманшәалоуп. Мураҭ сыҽимаздан, Аԥснытәи аинтернет ахархәаҩцәа зегь рыхьӡала ҭабуп ҳәа иасҳәеит имҩаԥигаз аус бзиазы", — ҳәа ҳзеиҭеиҳәеит Ҭемыр Ладариа.

2013 шықәса рзы, милаҭла иабазоу Мураҭ Гапов аус адиулеит абаза бызшәазы абри Ацҵа, 2014 шықәсазы иара иазирхиеит Аҧсуа анбан (алфавит), Аҧсуа-аурыс жәар (абхазо-русский и русско-абхазский словарь), Аҧсуа ҧхьаӡара, Аҧсуа рыдыркыра ҳәа Ацҵақәа.

192