Встреча президента Хаджимба Р.Д. с Общественной палатой.

Ҳаџьымба атәыла аполитикатә мчрақәа зегьы аиҿцәажәара иадиԥхьалоит

19
(ирҿыцуп 16:53 03.11.2015)
Аԥсны анапхгара ԥхьаҟагьы еиуеиԥшым аполитикатә мчрақәа рыҿцәажәара иазыхиоуп иҳәеит аҩашаҽны, Аԥсны Ауаажәларратә палатаҟны имҩаԥгаз аиԥылараҟны атәыла Ахада.

АҞӘА, абҵара 3, Sputnik. Наала Аҩӡыԥҳа. Рауль Ҳаџьымба аполитикатә мчрақәа адиԥхьалеит  атәылаҟны иҟоу асоциал-економикатәи аполитикатәи ҭагылазаашьа алацәажәара.

"Арҭ азҵаарақәа, ҳара иаԥҵазар бзиоуп ҳәа адгалара ззыҟаҳҵаз аполитикатә бжьагаратә хеилак аҟны иӡбазар алшоит. Сара еиҭахгьы аоппозициаа рхаҭарнакцәа ирыдызгалоит абри аидеиа", — иҳәеит Ахада.

Атәыла анапхгара аинтерес рыманы иазыҟоуп аполитикатә конкуренциеи агәаанагара еиԥшымзаареи. Урҭ  аҳәынҭқарратәи ауаажәларратәи институтқәа рыҿиара иахәоит ҳәа азысыԥхьаӡоит ҳәа азгәеиҭеит Рауль Ҳаџьымба Аԥсны Ауаажәларратә палатаҟны имҩаԥгаз аиԥылараҟны.

"Аԥсны анапхгара еиуеиԥшым аполитикатә мчрақәа рацәажәара ԥхьаҟагьы мап ацәнакраны иҟаӡам. Ҳара ибзианы еилаҳкаауеит абри апроцесс аҟны иҳаду аҭакԥхықәра заҟа ирацәоу, ҳара ҳаиҿцәажәара ишахьыԥшу ауаажәларра рҟны аҭышәынтәалара. Иара убри аамҭазы ҳаппонентцәа рҟынтәигьы  апроблема ҭакԥхықәрала азнеира ҳазыԥшуп", — иҳәеит Ҳаџьымба.

Иара иазгәеиҭеит аоппозициа ааигәатәи адҵақәа ҵаҵӷәы рымам,  ииашам, аполитикатә ԥеиԥшгьы рзыԥшым ҳәа. иара игәаанагарала асеиԥш аҟаҵара «аҭагылазаашьа  акҿацаларахь» инанагоит. «Амцахара» апрограммаҟны иарбоу ажәалагалақәа раӷьырак  атәыла анапхгара анагӡара иаҿуп ҳәа азгәеиҭеит иара.

"Аԥсны анапхгара  ԥхьаҟагьы еиуеиԥшым аполитикатә мчрақәа рыҿцәажәара иазыхиоуп", —  иҳәеит атәыла Ахада.

Асеиԥш иҟоу аиҿцәажәара аарты  ауаажәларра рзы хра аманы избоит ҳәа  инаҵшьны далацәажәеит Ахада.


19
Атемақәа:
Аԥсны ишьақәгылаз аполитикатә ҭагылазаашьа (17)