Таможенный пост. Архивное фото.

Аҳәааҟны Аԥснынтәи асигаретқәа аанкылан

16
Шәачатәи аҳазалхыҩцәа аҳәааҟны иааныркылеит адекларациа змамыз аҭаҭынлых.

АҞӘА, ажьырныҳәа 13 — Sputnik. Шәачатәи аҳазалхыҩцәа 2016 шықәса ажьырныҳәа 8 рзы аҳәааҟны иааныркылеит адекларациа змамыз аҭаҭынлых, ҳәа адырра ҟанаҵоит Аладатәи аҳазалхратә усбарҭа.

"Аԥснынтәи Урыстәылаҟа ииасуаз автомашьына агәаҭарахь инашьҭын. Агәаҭара амҩаԥгараан автомашьынаҟны ирбеит аҳазалхратә хылаԥшра иацәыҵәахыз атауар", ҳәа аҳәоит адырраҭараҟны.

Амашьына агәаҭараан иаарԥшын акцизтә марка "Аԥсны" зқәырҷабыз 16 блок асигарет (3 200 цыра).

"Амашьына аԥсҟы зкыз, џьаргьы аус зымуа, Тамбов ақалақьуаҩ, ишиҳәаз ала аҳазалхратә ԥҟаррақәа рымдырроуп иҟаиҵаз зыхҟьаз. Ус шакәугьы иара аҳазалхратә хылаԥшра ацәаҳәаҟны иҟоу аинформациа адырра дашьҭамлаӡеит", аҳәоит адырраҟны.

Асигаретқәа иара Аԥснытәи адәқьанқәа руак аҟны иааихәеит ихазы. Ишааихәаз азырбо ачек иман, аха азинеилагара шыҟоу иаанхоит, ҳәа азгәанаҭоит Аладатәи аҳазалхратә усбарҭа.

"Аҭаҭынаалыҵ аиагара аԥҟаррақәа шыҟац иҟоуп. Еиҭакым. Ухазы ииаугар алшоит блок (200 сигарет) мамзаргьы 250 грамм аҭаҭын", — иҳәеит аҳазалхратә пост Адлер аиҳабы Денис Воронин.

Иара иазиԥхьаӡоит иҵәахыз аҭаҭынаалых ахыԥхьаӡара акоммерциаз азы акәын изаахәаз ҳәа.

Атауар зтәыз имхуп. Абри афакт аганахьала ашьаус хацыркуп.

16