Недвижимость

Трапизониан: зынарха маҷу ауаа рзы аҭагылазаашьа ҷыдақәа аԥҵалатәуп

10
(ирҿыцуп 11:38 03.02.2016)
Аԥсны аерманцәа Реидгыла ахантәаҩы ихаҭыԥуаҩ, Аԥсны Афырхаҵа Галуст Трапизониан даҳзалацәажәеит Урыстәыла атәылауаа анхарҭаҭыԥқәа раархәара аԥеиԥшс иибо атәы.

АҞӘА, жәабран 3 — Sputnik, Саид Барганџьиа. Анхарҭаҭыԥқәа Урыстәыла атәылауаа раархәаразы Азакәан адкылатәуп, иара убри аан Аԥсны атәылауаа ринтересқәа ирықәшәо иҟазароуп иҳәеит Аԥсны аерманцәа Реидгыла ахантәаҩы ихаҭыԥуаҩ, Аԥсны Афырхаҵа Галуст Трапизониан.

Иара иазгәеиҭеит абри аганахьала ишыҟоу адунеитә практика аха иара убри аан ҳҷыдарақәа ишрызхьаԥштәу.

"Иалкаатәуп ззин ҟалои ззин ҟамлои", — иҳәеит иара.

Иара иазиԥхьаӡоит урыстәылатәи ауааԥсыра анхарҭа аахәара азин рыҭаны аҳәынҭқарратә усқәа рых рылархәра ркьаҿтәуп ҳәа.

"Анхарҭаҭыԥқәа рыҭира — ари бизнесуп, аекономика иаҿиароуп", — иҳәеит Трапизониан.

"Ҳауаажәлар асеиԥш иҟоу азакәан адкылара иазыхиоуп", ҳәа иазишьоит Трапизониан.

"Адгьыл аҭира ҟалом. Ари азҵаара алацәажәарагьы иашам. Зынарха маҷу ауаа рзы аҭагылазаашьа ҷыдақәа аԥҵалатәуп. Урҭ аганахь иавархатәым", — иҳәоит иара.

2015 шықәса нанҳәамзазы атәыла Ахада иазгәеиҭеит урыстәылатәи ауааԥсыра анхарҭаҭыԥқәа раархәара шалшо.

2015 шықәса анҵәамҭаз адепутатцәа Сергеи Шамбеи Гьаргь Агрбеи иаздырхиаз апроект "Аԥсны Аҳәынҭқарраҟны анхарҭаҭыԥқәа реикәыршара аҷыдарақәа" Жәлар Реизара адепутатцәа ахәаԥшразы ирыдгалан.

10