Ӡаԥшьба: амилициа ԥыԥшыҩцәа ақыҭақәа рҟны аусура иалагоит

© Sputnik Томас ТхайцукАҩныҵҟатәи аусқәа рминистр Леонид Ӡаԥшьба ипресс-конференциа.
Аҩныҵҟатәи аусқәа рминистр Леонид Ӡаԥшьба ипресс-конференциа. - Sputnik Аҧсны
Анапаҵаҩра
Аԥсны Аҩныҵҟатәи аусқәа рминистр Леонид Ӡаԥшьба ахаша, жәабран 3 рзы имҩаԥигоз апресс-конференциаҟны еиҭеиҳәеит атәылаҟны иҟоу акриминогентә ҭагылазаашьеи аусбарҭа аусуреи ртәы.

АҞӘА, жәабран 3 — Sputnik, Бадраҟ Аҩӡба. Аԥсны Аҩныҵҟатәи аусқәа рминистр Леонид Ӡаԥшьба ахаша, жәабран 3 рзы имҩаԥигоз апресс-конференциаҟны еиҭеиҳәеит атәылаҟны иҟоу акриминогентә ҭагылазаашьеи аусбарҭа аусуреи ртәы.

Иара убасгьы иҳәеит Аԥсны ақыҭақәа рҟны аусура ишалаго амилициа ԥыԥшыҩцәа.

"Иаарласны ареспублика ақыҭақәа рҟны аусура иалагараны иҟоуп амилициа аԥыԥшыҩцәа. Амашьынақәа еиқәыршәахоит аамҭа иақәшәо аимадаратә хархәагақәа рыла", — иҳәеит иара.

Ӡаԥшьба иажәақәа рыла аԥыԥшцәа ақыҭақәа рҟны азинеиҿкаара ашьақәгылашьа иашьклаԥшлоит, аҭыԥантәи ауааԥсырагьы иахәҭоу ацхыраара рырҭалоит.

Иара иҳәеит уахыки-ҽнаки рыла 140 рҟынӡа машьына аҷаԥшьарахь ишҭыҵуа.

Леонид Ӡаԥшьба иара убасгьы иҳәеит иааиԥмырҟьаӡакәа имҩаԥырго аԥыԥшрақәа ирылҵшәаны амҩатә машәырқәа еиҳа ишмаҷхаз атәгьы.

Ажәабжьқәа зегьы
0