Џьелиа иуацәа аминистр дамхтәуп ҳәа ирыԥхьаӡоит

© Sputnik Саид БарганджияРуслан Џьелиа иуацәеи иҭынхацәеи ААР(МВД) ахыбра аҿаԥхьа еизеит.
Руслан Џьелиа иуацәеи иҭынхацәеи ААР(МВД) ахыбра аҿаԥхьа еизеит. - Sputnik Аҧсны
Анапаҵаҩра
Руслан Џьелиа иуацәеи иҭынхацәеи ААР(МВД) ахыбра аҿаԥхьа еизеит ахаша, хәажәкыра 9 рзы.

АҞӘА, хәажәкыра 9 — Sputnik, Саид Барганџьиа. Завтомашьына ААИ (ГАИ) аусзуҩцәа аехсыз, СИЗО "Дранда" уаанӡатәи аиҳабы Руслан Џьелиа иуацәеи иҭынхацәеи ААР(МВД) ахыбра аҿаԥхьа еизеит ахаша, хәажәкыра 9 рзы. Дҵаны иқәдыргылоит Аԥсны Аҩныҵҟатәи аусқәа рминистр Леонид Ӡаԥшьба иусура дамхызааит ҳәа. Абри атәы аҭыԥаҟынтәи иааицҳауеит ҳкорреспондент.

Еизаз руаӡәк иажәақәа рыла ари аус аҭыԥ иқәрымҵакәа иаанрыжьуам.

"Аԥсны Афырхаҵа иԥҳәыси иареи амашьына иҭатәан. Амҩа аԥҟаррақәа еилеимгеит. Дааныркыларц ишьҭалеит. Данаанымгыла амашьына иаехсит. Ари аҩыза уаҩы ибахьоума?" — лҳәеит Џьелиа иуаԥҳәыск.

Леонид Ӡаԥшьба еизаз рахь днеиит аха аицәажәара залымшеит.

ААР (МВД) ахыбра аҿаԥхьа 300-ҩык рҟынӡа еизаны иҟоуп. Ауаа ааира иаҿуп.

Руслан Џьелиа иашьа иԥа Рафаель Џьелиа асоциалтә ҳа адаҟьаҟны ианиҵеит Џьелиа иаанкыларазы адҵа ҟазҵаз аминистр иоуп ҳәа.

Ажәабжьқәа зегьы
0