Сторонники действующей власти собрались у Администрации президента в поддержку министра внутренних дел Леонида Дзапшба и руковдства страны

Руслан Џьелиа идгылаҩцәа Апарламент ахь инеиит

19
Аҩаша, хәажәкыра 15 рзы Руслан Џьелиа идгылаҩцәа Апарламент ахь инеиит ААР (МВД) аиҳабы иамхра дҵаны иқәыргыло

АҞӘА, хәажәкыра 15 — Sputnik, Роберт Џьопуа. Ареспублика атәылауаа рышьҭахысра аӡәгьы азин имам иҳәеит Апарламент ахыбрахь инеиз Руслан Џьелиа идгылаҩцәа руаӡәк, абри атәы ҳзааицҳаит аҭыԥ аҟынтәи ҳкорреспондент.

"Руслан сара дысҩызоуп. Ҳаицеибашьуан. Исҭахуп дарбанызаалак атәылауаҩ иехсра аӡәгьы азин имамзарц. Изыхҟьозеи иҟоу? Исҭахуп џьара аӡәы аҭак сиҭарц. Аҩныҵҟатәи аусқәа рминистр иамхразы ашәҟәы ҳархиеит. Апарламент ахь ҳааиит. Иаабар ҳҭахуп асеиԥш иҟоу азҵаарақәа рыӡбра ахьынӡарылшо", — иҳәеит Џьелиа иҩыза.

Апарламент ахь инеиз СИЗО "Дранда" уаанӡатәи аиҳабы Руслан Џьелиа иавтомашьына иаехсра иаҿагылоит.

Уаанӡа завтомашьына ААИ (ГАИ) аусзуҩцәа аехсыз, СИЗО "Дранда" уаанӡатәи аиҳабы Руслан Џьелиа иуацәеи иҭынхацәеи ААР(МВД) ахыбра аҿаԥхьа еизахьан хәажәкыра 9 рзы. Дҵаны иқәдыргылон Аԥсны Аҩныҵҟатәи аусқәа рминистр Леонид Ӡаԥшьба иусура дамхызааит ҳәа.

Усҟан аҭагылазаашьа аҭыԥ ақәҵаразы Руслан Џьелиа иуацәа рхаҭарнакцәеи аминистр Леонид Ӡаԥшьбеи еиԥылеит. Аминистр иажәақәа рыла иара адҵа ҟаимҵаӡеит Џьелиа иавтомашьына иаехсырц азы.

Ззин ҟаҵамыз амитинг аганахьала Аԥсны Апрокуратура Хада аусҭҵааратә усбарҭа агә́аҭарақәа мҩаԥнагоит. Урҭ иҟарҵо алкаақәа инарықәыршәаны ААР(МВД) амаҵзуратә хаҿқәеи Руслан Џьелиеи румҭа ахәшьара аҭахоит.

19