Беслан Парулуа, заместитель министра внутренних дел Абхазии

Аԥсны Аҩныҵҟатәи аусқәа рминистр ихаҭыԥуаҩ ҿыц далхуп

16
(ирҿыцуп 15:21 27.05.2016)
Ахәаша, лаҵарамза 27 рзы имҩаԥысыз Аминистрцәа Реилазаара аилатәараҟны Беслан Ԥарулуа Аԥсны Аҩныҵҟатәи аусқәа рминистр ихаҭыԥуаҩыс далхуп.

АҞӘА, лаҵарамза 27– Sputnik, Бадраҟ Аҩӡба. Ахәаша, лаҵарамза 27 рзы имҩаԥысыз Аминистрцәа Реилазаара аилатәараҟны Беслан Ԥарулуа Аԥсны Аҩныҵҟатәи аусқәа рминистр ихаҭыԥуаҩыс далхуп.

"Сара аҳәара ҟасҵоит Беслан Парулуа Аҩныҵҟатәи аусқәа рминистр ихаҭыԥуаҩыс далышәхырц. Парулуа зус здыруа, зыламыс цқьоу уаҩуп. Агәра згоит ацәгьоура аҿагылараҟны хаҳара ҟаиҵап ҳәа", — иҳәеит Аҩныҵҟатәи аусқәа рминистр Леонид Ӡаԥшьба.

Беслан Парулуа диит 1967 шықәса рзы,  Очамчыра араион Ҷлоу ақыҭан. Аԥснытәи Аҳәынҭқарратә университет азиндырратә факультет доушьҭымҭоуп. 1988 шықәса раахыс аус иуеит Аҩныҵҟатәи аусқәа рминистрраҟны. Аԥсны жәлар Рџьынџьтәылатә еибашьра далахәылоуп. Беслан Парулуа —амилициа аподполковник ҳәа ачын имоуп.

Аминистрцәа реилазаара иара убасгьы Едита Ҵнариаԥҳа Аҩныҵҟатәи аусқәа рминистр ихаҭыԥуаҩ, астатс-маӡаныҟәгаҩ ҳәа далырхит.

16