Баннер чемпионата ConIFA

Ашьапылампыл командақәа Аԥсныҟа аара иалагеит

25
(ирҿыцуп 18:18 27.05.2016)
Ашьапылампыл азы адунеи ачемпионат ConIFA аартра мҩаԥысраны иҟоуп Аҟәатәи астадион "Динамо" аҟны асабша, лаҵарамза 28 рзы.

АҞӘА, лаҵарамза 27 – Sputnik, Владимир Бегунов. Ашьапылампыл командақәа Аԥсныҟа аара иалагеит. Урҭ рҭыԥқәа рхиоуп апансионатқәа "Аиҭари" (Аҟәа) "Сан-Маринои" (Гагра).

"Сан-Марина" аусзуҩ Лолита Олеиникова лажәақәа рыла раԥхьатәи акоманда ааит аԥшьаша, лаҵарамза 26 15:00 сааҭ рзы. Урҭ Сомалиленд акоманда алахәылацәа роуп

"Рҭыԥқәа дҳарбеит. Акультуратә программа аганахьала уажәы имҩаԥысуа ахәыҷтәы бокс аиндаҭларақәа рыхәаԥшра рыдаагалеит. Ирбаз ргәаԥхеит", — лҳәеит лара.

Апансионат ахадара ражәақәа рыла арахь иааит лаҵарамза 27 рзы Пенджаб акоманда (Индиа).

Иара убасгьы лаҵарамза 27 — 28 рзы ирзыԥшуп Лапландиеи Паданиеи ркомандақәа, лаҵарамза 28 рзы Аҩадатәи Кипр акомандеи Рециа акоманда ахәҭаки, лаҵарамза 30 рзы Рециа акоманда егьи ахәҭа.

"Дара аамҭа роуазар Риҵаҟа иаагар ҳалшоит. Егьырҭ аԥшӡарақәа рахь иаагартәгьы аҭагылазаашьа ҳамоуп", — лҳәеит Лолита Олеиникова.

Ашьапылампыл азы ConIFA ачемпионат хацыркхоит 2016 шықәса лаҵарамза 28 рзы, астадионе "Динамо" аҟны.

25
Атемақәа:
Ашьапылампыл азы ConIFA адунеизегьтәи ачемпионат 2016 (60)