Пресс-конференция представителей ФИФА в Сухуме.

Аԥсны ФИФА иалоуҵартәы иҟоу тәылоуп

9
(ирҿыцуп 10:44 01.06.2016)
ФИФА аматч-агентцәа, лаҵарамза 31 рзы Аԥсныҟа ConIFA ачемпионат ахь иааз, апресс-конференциа мҩаԥыргеит.

АҞӘА, рашәарамза 1 – Sukhum, Роберт Џьапуа. ФИФА аматч-агентцәа, лаҵарамза 31 рзы Аԥсныҟа ConIFA ачемпионат ахь иааз, апресс-конференциа мҩаԥыргеит. Апресс-конференциа амҩаԥысраан ФИФА аматч-агент Сергеи Азизов иҳәеит Аԥсны ФИФА залаҵара иаԥсоу тәылоуп ҳәа.

"Аԥсны ФИФА залаҵара иаԥсоу тәылоуп ҳәа сгәы иаанагоит. Адгьыл, анапхгара, абызшәа зегь амоуп, урҭ инареиҳаны ашьапылампыл бзиагьы амоуп. Аԥсны ажәлар ашьапылампыл бзиа ирбоит", — иҳәеит Азизов.

ФИФА ахаҭарнак иара убасгьы иҳәеит аилазаара анапхгара рҟны аилацәажәарақәа шцо Аԥсны акоманда злахәу аиҩызаратә матч амҩаԥгаразы.

Аматч-агент Даг Ларсон иазиԥхьаӡоит Аԥсназы адунеи ачемпионат амҩаԥгара хра аманы ишыҟоу ахырдырразы.

"Сара издыруеит атәыла хәыҷқәа адунеи рхы днардырырц шырҭаху. Абри аус аҟны ашьапылампыл хра аманы иҟоуп", — иҳәеит Ларсон.

Апресс-конференциа иалахәыз Аԥыза-министр актәи ихаҭыԥуаҩ Шамил Аӡынба иазгәеиҭеит Аԥсны ФИФА алалара даара актуалра шалоу.

ФИФА Аматч-агентцәа Сергеи Азизови Даг Ларсон Аԥсныҟа иааит лаҵарамза 31 рзы.

9
Атемақәа:
Аԥсны ФИФА алалара амҩа (6)