Набережная махаджиров.

WeSUKHUM ацынхәрас YESUKHUM алогатип ықәдыргылоит Аҟәа

51
(ирҿыцуп 11:26 01.06.2016)
Амонументалтә ҟазаразы аҳәынҭқарратә комиссиа аилатәараҟны бжьыҭирала ирыдыркылеит аӡбра, Аҟәа иқәдыргыло алоготип аԥсахрақәа аҭазарц. Ахыркәшаратә проект алхын лаҵарамза 31 рзы.

АҞӘА, рашәарамза 1 – Sputnik, Анжелика Бениаԥҳа. WeSUKHUM ацынхәрас YESUKHUM ҳәа алогатип ықәыргылахоит аҳҭнықалақь аҟны иҳәеит авторцәа ируаӡәку Рустам Аншба.

Аманументалтә ҟазаразы аҳәынҭқарратә комиссиа аилатәараҟны ицәырган аскульптура авариантқәа хԥа: "weLoveSUKHUM", "YESUKHUM", "mySUKHUM".

"Ҳара иаҳҭахын алогатип "WeSUKHUM" аҟны ҳаангыларц. Иҟоуп ҳара иаҳҳәарц иаҳҭахыз ззеилымкааз, аха акомиссиа алахәылацәа ҳидеиа иадгылеит. Ақалақь амш аҽны аскульптура аҭыԥ ааннакылап ҳәа ҳгәыӷуеит", — иҳәеит Аншба.

Иара иажәақәа рыла иазыԥхьагәаҭоуп аскульптура аԥсышәалагьы ақәыргылара.

"Лассы ирылаҳҳәараны иҟоуп ареспубликатә конкурс алогатип аԥҵаразы. Уажәазы аԥсышәала", — иҳәеит Аншба.

Аскульптурақәа ықәыргылахоит еиуеиԥшым аҭыԥқәа рҟны.

Аиҿкааҩцәа иазгәарҭеит аинтернет саит шаԥҵахо, ашҭаҟны авеб-камера шықәыргылахо, изҭаху зегьы Багаԥшь ишҭаҟны имҩаԥысуа зегьы рбалар шрылшо.

51