Тренировка легкоатлетов на республиканском стадионе.

Аԥсны атлетика лас азы атурнир мҩаԥган

9
(ирҿыцуп 10:14 24.06.2016)
150-ҩык рҟынӡа аспортсменцәа рхы аладырхәит Ареспубликатә стадион аҟны имҩаԥысуаз атлетика ласы азы иаарту ареспубликатә турнир.

АҞӘА, рашәарамза 24 – Sputnik, Бадри Есиава. Жәларбжьаратәи аолимпиатә мшы аҽны Аԥсны абаҩырҵәыреи аспорти рзы Аҳәынҭқарратә еилакы имҩаԥнагеит Ареспубликатә стадион аҟны атлетика ласы азы иаарту ареспубликатә турнир. Абри атәы ҳалҳәеит атурнир азыҟаҵаҩ хада Лолита Назарс.

"Ҳара ҳтурнир мҩаԥысуеижьҭеи абар фы-шықәсоуп. Исҳәар сылшоит абарҭ ашықәсқәа рыла ижәларбжьаратәхеит ҳәа. Иара рҽаладырхәуеит Урыстәыла, Украина рҟынтәи аспортсменцәа", — лҳәеит лара.

Атурнир аартра иалахәын Аԥсны Амилаҭтә олимпиатә еилакы апрезидент Валери Аршба, Аԥсны абаҩырҵәыреи аспорти рзы Аҳәынҭқарратә еилакы ахантәаҩы ихаҭыԥуаҩ Рафаель Амԥар, атурнир алахәылацәа, азыҟаҵаҩцәа, аҭаацәа.

"Зегьы ишәыдысныҳәалоит абри аныҳәамш. Агәыӷра сымоуп аамҭақәак рышьҭахь аолимпиатә чемпионцәа шәакәны шәҟалап ҳәа. Усҟан ишәгәалашәыршәа иахьатәи амш шәымҩа алагамҭак акәны", — иҳәеит Аԥсны Амилаҭтә олимпиатә еилакы апрезидент Валери Аршба.

Аспорттә школ азыҟаҵаҩ хада, атурнир аԥшьгаҩ, аӡбаҩ хада Лолита Назарс иазгәалҭеит абри аспорттә уснагӡатә ахь аҿар ринтерес еиҳа-еиҳа ишазҳауа.

Жәаа-шықәса ирҭагылоу аспортсменка Жанна долимпиатә чемпионкахарц лҭахуп. Лара ҿырԥшыганы илымоуп Хусеин Болти Елена Исинбаевеи реиԥш иҟоу аспортсменцәа дуқәа.

"Сара адистанциа дуқәа рҟны сыҩуеит. Адунеитә рекорд иаԥызгар сҭахуп. Макьаназы х-километрак 12 минуҭ рыла ахысра сылсыршахьеит", — лҳәоит Жанна.

1948 шықәса ажьырныҳәамзазы швеицариатәи ақалақь Сэнт-Моритц аҟны Аолимпиатә еилакы иаӡбеит Аҩра амш мҩаԥгалазарц рашәарамза 23 аҽны.

9