АҞӘА, нанҳәа 12 – Sputnik, Бадри Есиава. Атәыла араионқәа зегь рҟынтәи еизго арезерв техникеи аррамаҵзурауааи Аҟәа ақалақь аҟны арыцқьарақәа ирҿуп, иҳәеит Аҭагылазаашьа ҷыдақәа рзы аминистр Лев Кәыҵниа.
"Аусурақәа арҭ аҩымш рыла ихҳаркәшап ҳәа азыԥхьагәаҳҭоит", — иҳәеит Кәыҵниа.
Иара ҭабуп ҳәа реиҳәеит ацхыраара зуа аррамаҵзурауаа.
Ақалақьтә еизара адепутат Асҭамыр Қәҭарба иажәақәа рыла ацырӡәӡәах гәамла иҭәу аӡышьҭрақәа изырҭамлакәа амҩадуқәа ирнылоит.
Ахаша, нанҳәа 10 рзы ақалақь Ахадараҟны Аԥсны Аԥыза-министр аилацәажәара мҩаԥигеит. Уаҟа ирыдкылан аӡбра ақалақь амҩадуқәа излалшо ала ирыцқьазарц.
