Архивтә фото.

Аџьатә Кодекс аусура иалагоит

8
(ирҿыцуп 10:38 22.09.2016)
Аԥсны Жәлар Реизара изаамҭанытәиу аилатәара мҩаԥысит ахаша, цәыббра 21 рзы.

АҞӘА, цәыббра 22 – Sputnik, Бадраҟ Аҩӡба. Аԥсны Жәлар Реизара изаамҭанытәиу аилатәара мҩаԥысит ахаша, цәыббра 21 рзы. Аилатәараҟны адепутатцәа ахԥатәи аԥхьарала ирыдыркылеит Аԥсны Аҳәынҭқарра Аџьатә Кодекс.

Адокумент адгалара иуит асоциалтә политикеи, аџьеи, агәабзиарахьчареи рзы Аилак ахантәаҩы Аполлон Гәргәлиа. Иара иажәақәа рыла азакәан апроект аус адулара цон ҩышықәса инареиҳаны.

"Иаԥҵан аусутә гәыԥ. Азакәан апроект аус анадааулоз ҳара иҭыҳҵаауан Урыстәыла, Ҟазахсҭан реиԥш иҟоу атәылақәа рԥышәа", — иҳәеит иара Sputnik акорреспондент диҿцәажәо.

Апарламентари иазгәеиҭеит иахьа уажәраанӡа аус зуа Аԥснытәи АССР Аџьатә Кодекс ауп ҳәа.

Иазыԥхьагәаҭоуп азакәан ажьырныҳәа 1 2017 шықәса инаркны аусура иалагоит ҳәа.

8