АГТРК аҵакырадгьыл аҟны аҭыԥ змаз аԥжәара

Апарламент аҳәамҭа ҟанаҵеит: аҭыԥ змаз аԥжәара аҳәынҭқарратә система ашьақәҟьара иазырхан

7
Аԥсны Жәлар реизара-Апарламент аҳәамҭа ҟанаҵеит Апарламент адепутат Кан Кәарҷиа иганахьала атеррористтә акт амҩаԥгара аҽазышәара инадҳәаланы.

АҞӘА, абҵара 8 – Sputnik. Аԥсны Жәлар реизара-Апарламент аҳәамҭа ҟанаҵеит Апарламент адепутат Кан Кәарҷиа иганахьала атеррористтә акт амҩаԥгара аҽазышәара инадҳәаланы. Аԥсны Апарламент ақәыӡбоит абри атеррористтә акт, аҳәынҭқарратә система ашьақәҟьара иазырхан ҳәа иаԥхьаӡоит. Абри атәы аанацҳауеит Жәлар реизара аофициалтә саит.

"Аԥсны Жәлар реизара ааԥхьара ҟанаҵоит азинхьчаратә органқәа рахь ирылшо ала азакәанԥҵара инақәыршәаны еилыркаарц адепутат Кан Кәарҷиа иганахьала имҩаԥгахараны иҟаз атеррористтә акт иалахәылаз ахаҿқәа", ҳәа аҳәоит аҳәамҭаҟны.

Лассы Апарламент ахь абри аус инадҳәаланы инарыԥхьараны иҟоуп Апрокурор хада, Аҩныҵҟатәи аусқәа рминистр, Аҳәынҭқарратә шәарҭадаратә маҵзура анапхгаҩы.

Аԥснытәи арадиотелерадиоеилахәыра аҵакырадгьыл аҟны ашәахьа, жьҭаара 17 рзы аԥжәара ҟалеит. Арԥжәага зымпыҵаԥжәаз ауаҩы иԥсҭазаара далҵит.

АГТРК аҵакырадгьыл аҟны аҭыԥ змаз аԥжәара аганахьала ашьаус хацыркуп Аԥсны Аҳәынҭқарра Ашьаустә Кодекс ахәҭаҷқәа ҩба инарықәыршәаны. Аԥсны Апрокуратура хада дааннакылеит Адгәыр Корсантиа. Иара ахара идырҵоит Апарламент адепутат Кан Кәарҷиа иҭархара аиҿкаара далахәын ҳәа. Кан Кәарҷиа Аԥсны жәлар реибашьра даветерануп. Ианашьоуп Леон иордени Кәыдры агаразы "Агәымшәарази" амедал. Диит 1974 шықәса ԥхынгәы 1 азы.

7