Аурыс драматә театр асценаҿы идырбан аспектакль ҿыц

"Черная курица, или Подземные жители" Аурыс драматә театр асценаҿы идырбан

10
36-тәи асезон Аурыс драматә театр аҿы иаартын жьҭаара 19 рзы аспектакль "Рождество в доме Купьелло" (Едуардо де Филиппо) апремиера ала. Абҵара 10 рзы асезон иацнаҵеит аспектакль "Черная курица, или подземные жители".

АҞӘА, абҵара 11 – Sputnik, Рада Ажьиԥҳа. Антони Погорельски иповест иалху аспектакль "Черная курица, или Подземные жители" апремиера мҩаԥысит абҵара 10 рзы.

Арежиссиор иажәақәа рыла ари аспектакль Архангельсктәи адраматә театр аҿгьы иқәиргылахьеит. Федор Абрамов ихьӡ зху жәларбжьаратәи атеатртә ҟазара афестиваль аҿы ианашьан абри аспектакль азы иреиӷьу арежессуразы ҳәа аԥхьахә.

Аспектакль афырхаҵа хада – аҷкәын Алиоша, даара згәы ҭбаау, иҟәыбҷоу аӡә иоуп. Иара бзиа ибоит акәтеиқәаҵәа Чернушка. Иара аанкылан иршьырц анырҭахха еиқәирхоит. Аҷкәын ироль ихәмаруеит ҩыџьа – актриса Марина Сиҷинавеи Дмитри Ԥациеи.

РУСДРАМ апримиера аҽны азал ҭәын, аиҳараҩык хәыҷқәан. Асценаҟны ирбоз ирнаҭоз аемоциақәа рҵәахуамызт.

"Ҳара ҭаацәала атеатр ахь ҳааит. Иҟалап ахәыҷқәа раасҭагьы ҳара адуцәа иаабоз ҳаигәырӷьозар. Алакәаҿ ҳаҟазшәа аабон", — лҳәоит ахәаԥшҩы Лиза.

Ахәаԥшҩы Киара лакәзар избаз ашьҭахь сактрисахар сҭахуп лҳәоит.

"Ашкол ашьҭахь атеатртә ҵараиурҭа аҭалара сҽазсырхиалоит. Аспектакль даара исгәаԥхеит", — лҳәоит лара.

Ирацәаҩны ахәаԥшыҩцәа ирҳәоит аспектакль афырхацәа рҿы дара рхатә хаҿқәа шырбоз. "Саргьы саныхәыҷыз зынӡа Алеша сиеиԥшын", — иҳәоит Данат Маланиа.

36-тәи асезон Аурыс драматә театр аҿы иаартын жьҭаара 19 рзы аспектакль "Рождество в доме Купьелло" (Едуардо де Филиппо) апремиера ала. Абҵара 10 рзы асезон иацнаҵеит аспектакль "Черная курица, или подземные жители".

10