Шьамтәыла ицо аибашьра

Дамениа: Шьамтәыла ицо аибашьра адунеизегьтәи ахь ииасыр алшоит

6
(ирҿыцуп 14:50 18.11.2016)
Жәларбжьаратәи астол гьежь "Шьамтәыла ихароу, иааигәоу" аатит Аҟәа, абҵара жәаа рзы.

АҞӘА, абҵара 18 — Sputnik, Бадраҟ Аҩӡба. Шьамтәыла ицо аибашьра иалшоит ахԥатәи адунеизегьтәи еибашьраны иҟалар, иҳәеит астол гьежь аҟны Астратегиатә ҭҵаарақәа ринститут адиректор Олег Дамениа.

"Ари аибашьра иаҵанакуеит Шьамтәыла инхо ажәлар рымацара ракәымкәа егьырҭ ажәларқәагьы. Масштаблеи технологиалеи ари аибашьра уаанӡа иаабахьақәоу иреиуам", — иҳәеит иара.

Мраҭашәара, Америка раԥхьа инаргыланы аҽазышәара мҩаԥнагоит амультикультуризм амодель аиҿкаара ҳәа ишьоит Дамениа.

"Еиҿагылоу амчрақәа шеиԥшымгьы иҟоуп аиԥшрақәагьы. Дара зегьы ридеологиа иақәымшәо зегьы рықәхра рҭахуп", — иҳәоит аҵарауаҩ.

Урыстәыла ахԥатәи амч аҳасабала аҽа хәшьарақәак амоуп.

"Китаии Индиеи Урыстәылеи ықәгылоит ауаатәыҩса ркультура-ҭоурых еиԥшымзаареи ртрадициақәеи рыхьчара. Уи ус шакәыз Урыстәыла иаанарԥшит 2008 шықәса рзы Кавказ. Уажәы уи аполитика аанарԥшуеит Шьамтәыла. Урыстәылеи Шьамтәылеи аҿагылоуп аԥсылман екстремизм аиԥш мраҭашәаратәи агегемонизмгьы", — иҳәеит Дамениа.

Шьамтәылатәи аибашьра адунеи ауаажәларра зегьы рзы ишәарҭоуп. "Аха ара иҟоуп узықәгәыӷшагьы – иҟалоит апрогрессивтә уаажәларра зегьы рҽеидыркылар", — иҳәеит Дамениа.

Астол гьежь иалахәын Шьамтәылатәи адиаспора рхаҭарнакцәа, Аԥсны Адәныҟатәи аусқәа рминистр Даур Ақаҩба, Аԥсны иҟоу Урыстәыла Ацҳаражәҳәаҩ Семион Григориев.

6