Аурыс драматә театр

Хынҭәба: ԥхынҷкәынмза атеатр азы ибеиахоит

5
(ирҿыцуп 11:38 02.12.2016)
Амоноспектакль "Наше все... Фазиль Искандери", егьырҭ аҵыхәтәантәи амзақәа рзы имҩаԥысыз аусмҩаԥгатәқәеи дҳазрылацәажәеит Аурыс драматә театр адиректор хада Иракли Хынҭәба.

АҞӘА, ԥхынҷкәын 1дек – Sputnik. Ԥхынҷкәын мза РУСДРАМ азы хҭыс рацәала ибеиахо мзаны иҟалоит ҳәа ҳаиҳәеит Аурыс драматә театр адиректор хада Иракли Хынҭәба.

Ԥхынҷкәын  1 — 12 рзы иацҵахоит атеатр асахьаркыратә напхгаҩы Нина Балаева иқәлыргылаз аспектакль "Аихатәы мҿыԥҟаҩы" арбара.

"Аамҭа рацәа рышьҭахь Балаева иқәлыргылеит аспектакль ссир. Атеатр асахьаҭыхыҩ Архип Лабахәуа изы ари аспектакль усумҭа ҭҭәаауп. Сара сеигәырӷьоит ҳара иахьҳамоу алшара аспектакль бзиақәа рықәыргыларазы.

Афинанстә лшарагьы абрахь инаҵаҵаны. Сгәыӷуеит ҳаԥхьаҟа иҵегьы ҳаиӷьхап ҳәа", — иҳәеит Иракли Хынҭәба.

Ԥхынҷкәын 3 — 6 рзы  иқәыргылахоит ахәыҷқәа рзы аспектакль "Акәты еиқәаҵәа…". "Ари аспектакль аҭааҩцәа рацәаҩӡан, избанзар арежисуреи асахьаркыратә еиҿкаареи рыла аҩаӡара ду аиуит", — иҳәеит Хынҭәба.

Ԥхынҷкәын  5 рзы РУСДРАМ асценаҟны имҩаԥгахоит апроект "Ашәа еицаҳҳәап", ԥхынҷкәын 7 рзы еиҭадырбахоит Мираб Ҷыҭанаа иқәыргыламҭа аспектакль "Тартиуф".

Ԥхынҷкәын 9 рзы Урыстәыла жәлар рартист  Авангард Леонтьев имоноспектакль "Наше все… Фазиль Искандер ахәаԥшцәа ирыдгалахоит.

"Ари аԥсуа хәаԥшцәа акраамҭа иззыԥшыз хҭысуп, ныҳәоуп", — иҳәеит адиректор хада.

Ԥхынҷкәын 23 — 24 рзы  РУСДРАМ иҳаднагалоит апремиера ду– "Рождество в доме Купьелло" (ақәыргылаҩ – арежиссиор Андреи Тимошенко). Ԥхынҷкәын  26 инаркны атеатр аҟны  ашықәсҿыцазтәи ақәгыларақәа мҩаԥигараны иҟоуп Џьамбул Жорданиа.

5