Аԥсны Агәабзиарахьчара аминистрра инарҭбаау аколлегиа

Гоов: Аԥсны инхо Урыстәыла атәылауаа амедицинатә ԥгаԥса аполиусқәа рыҭахоит

7
(ирҿыцуп 14:19 21.12.2016)
Аԥсны Агәабзиарахьчара аминистрра инарҭбаау аколлегиа мҩаԥысит ахаша, ԥхынҷкәын 21 рзы, Аҟәа.

АҞӘА, ԥхынҷкәын 21 — Sputnik, Бадри Есиава. Аԥсны иахьаҵанакуа урыстәылатәи атәылауаҩра змоу зегьы ирыҭахоит хымԥадатәи амедицинатә ԥгаԥса аполиусқәа. Иара мҩаԥгахоит 2016 шықәса жәабранмзазы анапы зҵаҩыз аҳәынҭқаррабжьаратә еиқәшаҳаҭра инақәыршәаны. Абри атәы иҳәеит Агәабзиарахьчара аминистр Андзор Гоов.

"Аполисқәа рырҭоит Гал, Аҟәа, Очамчыра. Ҳара ҳнапы иануп занаҭуаала абри аусмҩаԥгатә аиқәыршәара", — иҳәеит иара.

Гоов иажәақәа рыла 14 шықәса рҟынӡа зхымҵыц ахәыҷқәа, Урыстәыла атәылауаҩра змам, аполисқәа рыҭахоит рҭаацәа руаӡәк Урыстәыла дшатәылауаҩу азы итәылауаҩытә шәҟәы арбарала.

Аминистр иҳәеит, аполис амазаара ишазыԥхьагәанаҭо Урыстәыла амедицинатә цхыраара аиура.

Аминистр иажәақәа рыла амедицинатә полисқәа хәыда-ԥсада ирырҭалоит.

7