Ашықәс ҿыц ауха атроллеибусқәа иаашаанӡа иныҟәалоит

© Sputnik / Томас ТхайцукАшықәс ҿыц ауха атроллеибусқәа иаашаанӡа иныҟәалоит
Ашықәс ҿыц ауха атроллеибусқәа иаашаанӡа иныҟәалоит - Sputnik Аҧсны
Анапаҵаҩра
Sputnik апресс-центр аҟны апресс-конференциа мҩаԥызгаз АУН (МУП) "Троллейбусное управление администрации города Сухум" адиректор Иури Барганџьиа иҳәеит ашықәс ҿыц ауха атроллеибусқәа рныҟәара шыԥкымхо.

АҞӘА, ԥхынҷкәын 23– Sputnik, Роберт Џьопуа. Sputnik апресс-центр аҟны апресс-конференциа мҩаԥызгаз АУН (МУП) "Троллейбусное управление администрации города Сухум" адиректор Иури Барганџьиа иҳәеит ашықәс ҿыц ауха атроллеибусқәа рныҟәара шыԥкымхо.

"Аныҳәауха аҳҭнықалақь аҟны атроллеибусқәа ԥшьба ауааԥсыра ныҟәыргалоит ашьыжь асааҭ ааба инаркны, ахырхарҭақәа зегь рахь. Актәи амаршрут ала ауаа еиҳа иахьныҟәо азы ари ацәаҳәахьы идәықәаҳҵоит атроллеибусқәа ҩба. Егьырҭ амаршрутқәа рахь ака-ка", — иҳәеит иара.

Анаплакы аӡынтәи аамҭа ишазыхио далацәажәо Барганџьиа иҳәеит русура ишалшо ала ишеиҿыркаауа. Амшцәгьақәа раан икаҳауа аҵлақәеи амахәқәеи, мамзаргьы афымцатә ҳақәа рықәҵаареи идыруадаҩуеит атранспорт аусура.

"Ҳара иахьазы иҳамоу атехника акыр иажәхьеит. Иаҳҭахӡазаргьы апарк зегьы аусура иҳазҭыжьуам. Иахәҭоу афымцамчра ахьыҟам азы лассы-лассы ҳмыругақәа ԥхасҭахоит", — иҳәеит АУН (МУП) "Троллейбусное управление администрации города Сухум" адиректор Иури Барганџьиа.

"Троллейбусного управления администрации города Сухум" 25 троллебус рыла ишьақәгылоуп. Дара аахәан 2010 шықәса рзы. Мышкы ахы-аҵыхәа ақалақь ауааԥсыра мҩаԥыргоит жәаба рҟынӡа троллеибус.

Ажәабжьқәа зегьы
0