Ашықәсҿыцазтәи аныҳәақәа ирылагеит

Ашықәсҿыцазтәи аныҳәақәа ирылагеит

5
2017 шықәса ажьырныҳәа 7 рҟынӡа Ареспублика аԥсаӡ хада ахьгылоу имҩаԥысуеит аныҳәатә уснагӡатәқәа.

АҞӘА, ԥхынҷкәын 28 — Sputnik, Амра Амҷԥҳа. 2017 шықәса ажьырныҳәа 7 рҟынӡа Ареспублика аԥсаӡ хада ахьгылоу имҩаԥысуеит аныҳәатә уснагӡатәқәа. Абри атәы ҳзаалыцҳаит Аҟәа ақалақь Ахадара аҿари аспорти рызҵаарақәа рзы аилак аҟазауаҩ Есма Кәыҵниаԥҳа.

"Аҟәа ақалақь Ахадара Ашықәс ҿыц аламҭалаз аҳҭнықалақь ауааԥсыреи асасцәеи рзы апрограмма аздырхиеит. Ԥхынҷкәын 27 рзы аныҳәатә уснагӡатәқәа мҩаԥнагеит Аҟәа ақалақь Ахадара аҿари аспорти рызҵаарақәа рзы аилак. Аҭагылазаашьа схы иархәаны исҭахуп ҳауаажәлар Ашықәс ҿыц рыдысныҳәаларц", — лҳәеит Есма Кәыҵниаԥҳа.

Асааҭ хԥа инаркны асааҭ быжьба рҟынӡа арҿиаратә коллективқәа имҩаԥыргон аныҳәа.

Есма Кәыҵниаԥҳа лажәақәа рыла аныҳәа иалахәыз зегь агәхәара рыманы еимпит, имҩаԥган еиуеиԥшым ашоу-қәгыларақәа.

"Исҳәарц сҭахуп иахьа сасцәаны ишаҳҭаз алицеи-интернат ааӡаҩцәа. Урҭ арахь иааргеит рнапкымҭақәа", — лҳәеит лара.

Арахь иааиз ани аԥҳаи аныҳәа иалагәырӷьоит.

"Аҵаа Бабаду ҳидгылан афото ҭаҳхит. Схәыҷы аԥсаӡ дысзадгом. Зегь лгәаԥхоит, аиҿкааҩцәа ҭабуп ҳәа расҳәоит", — лҳәоит Асҭанда.

2017 шықәса ажьырныҳәа 7 рҟынӡа Ареспублика аԥсаӡ хада ахьгылоу имҩаԥысуеит аныҳәатә уснагӡатәқәа.

Ашықәс ҿыц аухазгьы еиҿкаауп апрограмма ҷыда. Уи асааҭ акы азы ихацыркхоит.

5
Атемақәа:
Апсны ашықәс ҿыц: аихшьаалақәеи ахҭысқәеи (6)