Спектакль Снежная королева в абхазском драмтеатре в Сухуме

Аԥсуа сценаҟны алакә ссир "Асы аҭыԥҳа" ықәдыргылеит

6
Адунеи аҿы еицырдыруа Ҳанс Христиан Андерсан илакә ссир "Асы аҭыԥҳа" амотивқәа рыла аԥсышәала Аԥсуа драматә театр асценаҟны иқәдыргылеит аспектакль.

АҞӘА, ажьырныҳәа 2 – Sputnik, Анжелика Бениаԥҳа. Самсон Ҷанба ихьӡ зху аԥсуа драматә театр асценаҟны аԥсуа артистцәа рымчала иубар алшоит абзиабареи, аҩызареи, агәрагареи ирызку аспектакль ссир. Ашықәс ҿыц азтәи аныҳәамшқәа рзы Аԥсны ахәыҷқәа рзы адунеи аҿы еицырдыруа Ҳанс

Христиан Андерсан илакә ссир "Асы аҭыԥҳа" амотивқәа рыла аԥсышәала Аԥсуа драматә театр асценаҟны иқәдыргылеит аспектакль.

"Аспектакль – иҿыцу қәыргыламҭоуп. Диана Допуаԥҳа лылшамҭала иӡаху адекорациақәеи ацәамаҭәа џьашьахәқәеи, амузыка ссири, актиорцәа рыхәмарра ҳараки ҿык-бзык иузамырҳәо иҟарҵеит арежиссиор Мадина Аргәынԥҳа лықәыргыламҭа", ҳәа лҳәеит алакә афырԥҳәызба хада Герда лроль ихәмаруаз Хьыбла Мықәԥҳа.

Аспектакль иалахәын имаҷымкәа актиорцәа. Апремиера акәзар игәырӷьахәха имҩаԥысит.

Аспектакль апремиера мҩаԥысит ԥхынҷкәын 26 рзы.

Мықәԥҳа лажәақәа рыла азал ҭәын ахәаԥшцәа хәыҷқәа рыла. Аспектакль хәыда-ԥсада имҩаԥысуан. Иара еиҿкаан агәыҳалалратә еиҿкаара «Кьараз» алшарала.

"Ҳара даара ҳагәқәа хыҭхыҭуан, аха зегьы маншәаланы имҩаԥысит. Ҳахәаԥшцәа рыгәқәа наӡеит. Ҳаргәаԥхеит", — лҳәеит Мықәԥҳа.

Аспектакль "Асы аԥҳа" абара алшоит Аԥсуа драматә театр аҿы ажьырныҳәа ҩба инаркны ажьырныҳәа фба рҟынӡа.

6