Аџьиппертә ашықәс ҿыц аҩбатәи амш мҩаԥысит Кәыдрытәи аиҩхааҿи Кындыӷ ақыҭаҿи

"Аџьиппертә" ашықәс ҿыц аҩбатәи амш мҩаԥысит Кәыдрытәи аиҩхааҿи Кындыӷ ақыҭаҿи

25
"Аџьиппертә" ашықәс ҿыц аҩбатәи амш мҩаԥысит Кәыдрытәи аиҩхааҿи Кындыӷ ақыҭаҿи, абри атәы Sputnik иазааицҳаит автоклуб "Внедорожная Абхазия" ахантәаҩы Сергеи Никитченко.

АҞӘА, ажьырныҳәа 5 – Sputnik, Роберт Џьопуа. "Аџьиппертә" ашықәс ҿыц аҩбатәи амш мҩаԥысит Кәыдрытәи аиҩхааҿи Кындыӷ ақыҭаҿи. Абри атәы Sputnik иазааицҳаит автоклуб "Внедорожная Абхазия" ахантәаҩы Сергеи Никитченко.

"Ашьыжь асааҭ жәба рзы аколонна аныҟәара хацнаркит. Иара ахы хан Шакәртәи аӡхыҽҽақәеи Ольга лыӡхыҽҽеи рахь. Нас имҩаԥган апикник. Шьҭахьҟа ианыхынҳәуаз Кындыӷ ақыҭаҿ иҟоу аӡыршқәа рахь инеиит", — иҳәоит Никитченко.

Аклуб "Джипперы Сочи" алахәыла Артак иҳәоит, Аԥсны изныкымкәа дшаахьо, аха Кәыдрытәи аиҩхааҿ иҟоу аӡхыҽҽақәа уаанӡа ишимбацыз.

Краснодарнтәи Аԥсныҟа иааз аџьиппер Игор иазгәеиҭеит аӡхыҽҽақәа рыдагьы уахь уназго амҩагьы акыр ишыԥшӡоу.

Участники десятого джипперского Нового года посетили водопады Кодорского ущелья и горячий источник в Очамчырском районе республики
© Sputnik. Роберт Джопуа
Участники десятого "джипперского" Нового года посетили водопады Кодорского ущелья и горячий источник в Очамчырском районе республики

"Уахьынаԥш-ааԥшлак зехьынџьара иԥшӡарроуп. Амшгьы даара ҳарманшәалеит. Ҳаԥсы ҳшьеит. Уажәы аӡыршқәа рахь амҩа ҳақәлоит", — иҳәеит иара.

Ауснагӡатәқәа мҩаԥысуеит еиуеиԥшым аиндаҭларақәеи аныҟәарақәеи алархәны ажьырныҳәа 3 инаркны 5 рҟынӡа.

Ажьырныҳәа 4 рзы иазыԥхьагәаҭан Шакәртәи аӡхыҽҽахьи Кындыӷтәи атерминалтә ӡқәеи рахь аныҟәара. Аныҳәа ахыркәшара амш аҽны "Аԥсҭазаара амҩа" колоннала ианысраны иҟоуп. Аӡҩыбжьа ақыҭа инаркны Тҟәарчалынӡа инеиуеит, нас Очамчыраҟа илбаауеит. Уа аҿар аконцерт еиҿыркаараны иҟоуп. Иара убасгьы иӡыргахараны иҟоуп афильм "Аԥсҭазаара амҩа".

Участники десятого джипперского Нового года посетили водопады Кодорского ущелья и горячий источник в Очамчырском районе республики
© Sputnik. Роберт Джопуа
Участники десятого "джипперского" Нового года посетили водопады Кодорского ущелья и горячий источник в Очамчырском районе республики

Урыстәылеи Аԥсни рџьипперцәа ашықәс ҿыц аныҳәа Аԥсны имҩаԥыргоит еиндаҭрыла ажьырныҳәа 3 — 5 рзы. Ауснагӡатә еиҿыркааит автоклуб "Внедорожная Абхазия", аилазаара "Джипперы Сочи".

25