Апарламент.

"Иаку Аԥсны": Апарламент аҟны аквотақәа шьақәыргылатәуп

19
(ирҿыцуп 13:21 05.01.2017)
Апартиа "Иаку Аԥсны" Аполитикатә хеилак атәыла анапхгарахь аофициалтә шәҟәы нарышьҭит ԥхынҷкәын 26 2016 рзы. Ашәҟәаҟны дара аҳәара ҟарҵоит ареспублика Апарламент уаанӡатәи апрактика иазыхынҳәырц – атәыла амилаҭ гәыԥқәа рзы аквотақәа азыԥхьагәаҭахаларц.

АҞӘА, ажьырныҳәа 5 — Sputnik, Бадри Есиава. Аполитикатә партиа "Иаку Аԥсны" аԥхьагыла, Аԥсны Жәлар Реизара адепутат Сергеи Шамба иҳәеит Аԥсны Апарламент аҟны атәыла амилаҭ гәыԥқәа рзы аквотақәа азыԥхьагәаҭахаларц. Уи ииашам ҳәа ахиҳәааит егьырҭ амилаҭқәа Апарламент аҟны рыҟазаара ахьмаҷу.

"Иаҳҳәап Аԥсны Апарламент аҟны иҟам аурысқәа. Ҳара уи иашам ҳәа иҳаԥхьаӡоит. Аиҳабыратә абиԥарақәа ибзианы иргәалашәоит Қырҭтәыла аиҳабыра анационализм иреиҳау усны ишахәаԥшуаз, уи ишахҟьаз Аԥсни Аахыҵ Уаԥстәылеи Қырҭтәыла ралҵра. Ҳаргьы уи амҩа ақәлара азин ҳамаӡам", — иҳәеит Сергеи Шамба.

Аԥсны милаҭ рацәала еилоу ҳәынҭқарроуп. Ара инхоит аурысқәа, аерманқәа. Ауаажәларра рҟны аҭынчра аҭышәныртәаларазы иахәҭоуп абаланс аҟаҵара ҳәа иҳәоит Шамба.

Апартиа "Иаку Аԥсны" аполитикатә хеилак иаԥхьаӡоит Владислав Арӡынба ихаан ишыҟаз еиԥш адепутаттә корпус аиҽкаашьа ырхынҳәтәуп ҳәа. Аԥсны Апарламент адепутаттә корпус аиҿкаараан амилаҭтә квотақәа ралагалара хәарҭахоит, избанзар усала ареспублика амилаҭқәа еиҳа инарҭбааны ицәыргахоит ҳәа.

"Абри аҩыза апрактика ацәхьаҵра ҳкылнагеит иахьатәи Апарламент аилазаараҟны аурыс милаҭ ахьыҟам. Иҟаҳҵо ажәадгала амеханизм атәыла Ахада Иусбарҭеи, Аԥсны Апарламенти, Ацентртә алхратә комиссиеи рҿы аус адырулароуп ҳәа иазаҳаԥхьаӡоит", ҳәа азгәеиҭоит Шамба.

Апартиа "Иаку Аԥсны" абри ажәадгала нанашьҭит атәыла Ахада, Аԥсны Апарламент аиҳабы, Ацентртә алхратә комиссиа ахантәаҩы рахь.

19