Аэропорт Сухум им. В.Г. Ардзинба

Урыстәылатәи авиаеилахәыра Аԥсныҟа аԥырра иазыхиоуп

11
(ирҿыцуп 16:06 19.01.2017)
"Вологодские авиалиний" адиректор Михаил Зуев радио Sputnik Аԥсны иазеиҭеиҳәеит анаплакы Аԥсныҟа аԥырра гәҭакны ишамоу атәы.

АҞӘА, ажьырныҳәа 18 — Sputnik, Владимир Бегунов. Иҟоуп Росавиациа ақәҵара, Аԥсны авиациа аҿиаразы. Атехникатә зҵаарақәа зегьы рҭыԥ иқәҵахар, раԥхьатәи ареисқәа ааԥын алагамҭазы ихацыркхар алшоит ҳәа ҳзеиҭеиҳәеит "Вологодские авиалинии" адиректор Михаил Зуев.

Иара иазиԥхьаӡоит 2017 шықәса ааԥынра алагамҭазы Курск, Белгород, Старыи Оскола, Воронеж рҟынтәи ареисқәа ирылагап ҳәа.

"Макьаназы ҳара иҳагәҭакуп ааԥын-аԥхынтәи асезон азы аусура. Аӡын Аԥсны атуризм аҿиара амаӡам, убри инадҳәаланы макьаназы аӡынтәи аамҭақәа рзы ареисқәа ҟалаӡом. Аҭагылазаашьа аҽеиҭанакыр, ҳаргьы ҳусура еиҭаҳкуеит", — иҳәеит Зуев.

Зуев иазгәеиҭеит анаплакы аганахь ала ԥынгыла ыҟаны ишимбо.

"Ҳара Як-40 ала ҳԥыруеит, иҳамоуп ҳхатәы трап. Аԥсуа ган иахәҭаны иҟало  ашьҭыԥраарратә цәаҳәа архиареи ашәарҭадара аиқәыршәареи роуп", — иҳәеит Зуев.

Виачеслав Ешба, жәларбжьаратәи аеропорт «Сухум» адиректор хада иԥхьаӡоит иахьазы ари аусмҩаԥгатә алыршара уадаҩуп ҳәа.

Ешба иажәақәа рыла Аҟәатәи аеропорт моралла иажәит. Ҳаамҭа иақәшәо аҳаирпланқәа аднакыларц азы арҽеира аҭахуп. Ари аԥаразоужьра рацәаны иззыҟаҵатәу уснагӡатәхоит.

11