Аԥара

Аԥсны Атәанчаратә фонд ауал аздырхынҳәыроуп

7
(ирҿыцуп 11:23 07.03.2017)
Аԥсны аҳәынҭқарратә фондқәа 2016 шықәсазтәи русура аҳасабырба азыруит инарҭбаау Аминистрцәа Реилазаара аилатәараҟны.

АҞӘА, хәажәкыра 7 – Sputnik, Бадри Есиава. 2017 шықәса ажьырныҳәа 1 азы аԥгаԥсатә лагалақәа рзы ауал ишьақәнартәоит 214 миллион мааҭ, иҳәеит Аԥсны Атәанчаратә фонд ахантәаҩы Денис Гәлариа.

Иара иазгәеиҭеит 2016 шықәса рзы Афонд ахатә биуџьет ахь ишархынҳәыз 14 миллион инареиҳаны аԥара. Абиуџьет аныхрақәа нагӡоуп 960 миллион мааҭ рыла. 2017 шықәса ажьырныҳәа мзазы афонд абиуџьет иҭоуп 57 миллион мааҭ.

Аԥсны атәанчаратә фонд 39 категориа ирыҵаркуа атәанчаҩцәа (50 450-ҩык) ирзыршәоит ацхыраагӡа ԥара.

7