Аԥсны абжьыҭира хыркәшоуп

Аԥсны абжьыҭира хыркәшоуп

96
Хәажәкыра 12 рзы Аԥсны имҩаԥысит Жәлар Реизарахь алхрақәа.

АҞӘА, хәажәкыра 12 — Sputnik. Алхратә ҭыԥ хадақәа ринформациала Аԥсны иахьаҵанакуа зехьынџьара алхрақәа мҩаԥысит. Аҵыхәтәантәи адыррақәа асааҭ 18:00 иақәшәоит.

Алхыҩцәа рнеира еиҳа активла имҩаԥысит Гал араион аҟны. Асааҭ 15.00 рзы 429-ҩык рыбжьы рҭихьан. Уи иартәоит 71,1%. Аҩбатәи аҭыԥ аҟны иҟоуп Очамчыра араион. Уаҟа асааҭ 18.00 рзы рыбжьы рҭиит 9 911-ҩык. Уи иартәоит 63%.

Ахԥатәи аҭыԥ аҟны – Тҟәарчал араион. Уаҟа рыбжьы рҭиит 3 411-ҩык (53,3%). Гәдоуҭа араион аҟны рыбжьы рҭиит 52,6%, Аҟәа араион – 46%, Гагра араион – 43,5%, Гәылрыԥшь араион – 43%. Аҟәа ақалақь Араион ҿыц аҟны абжьыҭиразы инеиз 25% шыҟаз асааҭ фба рахь инеиуаны уи ахыԥхьаӡара иацлеит. Аҟәа ақалақь зегьы еизакны 43% абжьыҭиразы инеиит, уи 17 063-ҩык ҟалеит. Асааҭ 8.00 хәажәкыра 12 рзы Аԥсны ахы-аҵыхәа иаадыртит 35 алхратә ҭыԥ.

Гәдоуҭа араион аҟны алхырҭатә ҭыԥқәак амузыка арҳәаны иаадыртит. Очамчыра араион Араду ақыҭан алхыҩцәа руаӡәк абжьыҭира ахьцоз аҭыԥ ахь арԥхага неигеит. Алхырҭатә ҭыԥқәа рҭагылазаашьоуп гханы изызхьеирԥшыз аҳәынҭқаррақәа Жәларбжьаратәи рассамблеиа "За демократию и права народов" амаӡаныҟәгаҩ хада Григори Маракуца.

Лугансктәи жәлар рреспублика Жәлар Рхеилак адепутат Елена Кравченко еилагараны иазгәалҭеит алхыҩцәа зегьы асиа иахьҭагаламыз, асиа харҭәаақәа ахьыҟаҵатәхоз.

Владимир Бедевка иеиҭеиҳәеит алхыҩцәа ҩыџьа абжьыҭира мап шацәыркыз рнапқәа адыргақәа ахьрырҭоз азы.

"Ҳара ҳҭыԥ аҿы ОБСЕ аҟынтәи анаԥшыҩцәа ыҟазар, еиҳаны азгәаҭарақәа ҟарҵон, — иҳәеит Васили Лихачев. — Зны-зынла адемократиатә нормақәа ҵакыдан иубартә иҟоуп".

Аԥсны Жәлар Реизарахь алхрақәа мҩаԥысуеит хәажәкыра 12 рзы 35 алхратә ҭыԥқәа рҿы. Дииааит ҳәа дыԥхьаӡоуп 50% + 1 бжьы зауз акандидат. Ариаҟара бжьы иқәгылаз акандидатцәа рҟынтәи аӡәгьы имоузар, аҩбатәи атур мҩаԥгахоит. Алхрақәа шьақәгылеит ҳәа иазыԥхьаӡоуп абжьыҭиҩцәа рааира 25% артәазар.

96
Атемақәа:
Аԥсны Жәлар Реизарахь алхрақәа (54)