ҩбатәи атур 23 алхырҭатә ҭыԥқәа рҿы имҩаԥысуеит

12 алхырҭатә ҭыԥқәа рҿы адепутатцәа алырхит

24
Аԥсны Апарламент ахь алхрақәа ҩбатәи атур 23 алхырҭатә ҭыԥқәа рҿы имҩаԥысуеит 35 рҟынтә, абри атәы аанацҳаит ААК ашәахьа.

АҞӘА, хәажәкыра 13 — Sputnik. Заанаҵтәи адыррақәа рыла 12 депутат алхуп, 23 алхырҭатә ҭыԥқәа рҿы аҩбатәи атур мҩаԥгахоит, абри атәы аанацҳаит ААК ашәахьа. 

Аԥсны абжьыҭира хыркәшоуп
© Sputnik / Томас Тхайцук

Адепутатцәа алхуп: алхырҭатә ҭыԥ № 2 Џьапуа Алмас Севериан-иԥа, алхырҭатә ҭыԥ № 10 Ҳагәышь Иури Лев-иԥа, алхырҭатә ҭыԥ №11 Аршба Асҭамыр Борис-иԥа, алхырҭатә ҭыԥ № 14 Дбар Дмитри Сергеи-иԥа, алхырҭатә ҭыԥ № 15 Арӡынба Дмитри Григори-иԥа, алхырҭатә ҭыԥ № Сангәлиа Михаил Пиотр-иԥа, алхырҭатә ҭыԥ № 18 Анқәаб Александр Золоҭинсқа-иԥа, алхырҭатә ҭыԥ № 22 Галустиан Левон Миружан-иԥа, алхырҭатә ҭыԥ № 24 Миносиан Ашоҭ Ваграм-иԥа, алхырҭатә ҭыԥ № 25 Ҳаразиа Саид Геннади-иԥа, алхырҭатә ҭыԥ № 29 Ҭарба Асҭамыр Адик-иԥа, алхырҭатә ҭыԥ № Табаӷәуа Баҭал Иван-иԥа, иаанацҳаит ААК.

Аԥсны Жәлар Реизарахь алхрақәа мҩаԥысит хәажәкыра 12 рзы 35 алхратә ҭыԥқәа рҿы. Алхрақәа ирылахәын 137-ҩык акандидатцәа. Урҭ рҟынтәи 24-ҩык аполитикатә партиақәа рҟынтәи иқәгылан.

Дииааит ҳәа дыԥхьаӡоуп 50% + 1 бжьы зауз акандидат. Ариаҟара бжьы иқәгылаз акандидатцәа рҟынтәи аӡәгьы имоузар, аҩбатәи атур мҩаԥгахоит. Алхрақәа шьақәгылеит ҳәа иазыԥхьаӡоуп абжьыҭиҩцәа рааира 25% артәазар.

24
Атемақәа:
Аԥсны Жәлар Реизарахь алхрақәа (54)