Урыстәыла Аҳәынҭқарратә Дума ИАР атәылақәа рзы аилак ахантәаҩы Константин Затулин

Затулин: Аԥснытәи Апарламент аҟны амилаҭтә квотақәа ыҟазароуп

112
Хәажәкыра 12 рзы имҩаԥысуаз алхрақәа анапшыҩцәа раҳасабала иалахәын 39-ҩык жәларбжьаратә наԥшҩы.

АҞӘА, хәажәкыра 13 — Sputnik, Бадраҟ Аҩӡба. Аԥсны алхратә закәанԥҵараҟны иарбазароуп амилаҭтә квотақәа, иҳәеит Урыстәыла Аҳәынҭқарратә Дума ИАР атәылақәа рзы аилак ахантәаҩы Константин Затулин.

"Мшаԥымза 2 рзы Ермантәыла имҩаԥысраны иҟоуп Апарламент ахь алхрақәа рҿы раԥхьаӡа акәны иазыԥхьагәаҭоуп амилаҭ маҷқәа рзы аквотақәа", — иҳәеит Затулин.

Ермантәыла 99% ауааԥсыра ерманцәоуп, иара убри аан Апарламент аҟны ԥшь-ҭыԥк егьырҭ амилаҭ рзы иааныжьуп, иҳәеит иара.

"Шәҩык инарыцны акандидатцәа ахьыҟоу урыс заҵәык иоуп иалашәаз" ҳәа азгәеиҭеит иара. Затулин игәаанагарала ари аҭагылазаашьаарииилаҭтә закәанԥҵараҿ иарбатәуп.

Затулин иазиԥхьаӡеит асеиԥш аҭагылазаашьа ареспубликахь аинвестициақәа раара аԥырхага арҭар алшоит ҳәа.

Иара убасгьы иазгәеиҭеит урыстәылатәи апарламентарицәа Аԥсны Жәлар Реизара аилазаара ҿыц аус ацура гәҭакны ишрымоу.

"Ҳара, Урыстәыла абиуџьет анеиҿаҳкаауа хымԥада Аԥсныи Аахыҵ Уаԥстәылеи ирыҭахо ацхыраара азыԥхьагәаҳҭоит", — иҳәеит иара.

Жәлар Реизарахь алхрақәа мҩаԥысит хәажәкыра 12 рзы 35 алхратә ҭыԥқәа рҿы. Дииааит ҳәа дыԥхьаӡоуп 50% + 1 бжьы зауз акандидат. Ариаҟара бжьы иқәгылаз акандидатцәа рҟынтәи аӡәгьы имоузар, аҩбатәи атур мҩаԥгахоит. Алхрақәа шьақәгылеит ҳәа иазыԥхьаӡоуп абжьыҭиҩцәа рааира 25% артәазар.

112
Атемақәа:
Аԥсны Жәлар Реизарахь алхрақәа (54)