Аԥснытәи акоманда ConIFA аверсиала ачемпионат аԥшәмацәа ирыцыхәмаруеиит 2017 шықәсазы

Аԥснытәи акоманда ConIFA аверсиала ачемпионат аԥшәмацәа ирыцыхәмаруеиит 2017 шықәсазы

17
(ирҿыцуп 13:30 03.04.2017)
ConIFA аверсиала ашьапылампыл азы ачемпионат аҟны еицыхәмаруа акомандақәа шьақәдыргылеит.

АҞӘА, мшаԥымза 3 – Sputnik, Роберт Џьопуа. Аԥсны еизгоу акоманда аҵәҭаԥсарала агәыԥ "А" аҟны ихәмаруеиит. Аԥснытәи акоманда ачемпионат аԥшәмацәа, Аҩадатәи Кипр ахәмарцәа ирыцықәгылоит, иҳәеит ашьапылампыл азы аексперт Вианор Ҭыжәба. Иара аҵәҭаԥсара онлаин-режим ала дахәаԥшуан.

"Абри агәыԥ ахь иақәшәеит Аахыҵ Уаԥстәылеи Карпаталии ркомандақәа", — иҳәеит пексперт.

Иара иазгәеиҭеит атурнир ишалахәу аа-командак. Агәыԥ "В" ахь иаҵанакит: Паданиа, Секеитәи атәылаҿацә, Ницца, адгьылбжьахақәа Мен ркомандақәа.

Ашьапылампыл азы ConIFA аверсиала ачемпионат иалагоит рашәарамза 4 рзы, ихыркәшахоит рашәарамза 10 рзы финалтә хәмаррала. ConIFA еиҿкаан 2013 шықәса рзы.

17