Бернарда Альба лыҩны

"Бернарда Альба лыҩны": аиспантә драма аԥсуа сценаҟны

32
Аҧснытәи Аҳәынҭқарратә драматә театр аҟны, мшаԥымза 11 рзы ахәаҧшцәа ирыдгалахоит аиспан поет, адраматург Федерико Гарсиа Лорка ипиеса "Бернарда Альба лыҩны" иалху аспектакль. Апремиера аҽазыҟаҵара шымҩаԥсыуаз еилылкаауан Sputnik акорреспондент.

Sputnik, Рада Ажьиԥҳа

"Аӡӷабцәа шәазыҟаҵоума?", "шәымаҭәақәа уанҭоума?", "шәааи асценахь", "ҳалагоит", абасала адраматә театр асценаҟны арежиссиор Мадина Аргәынԥҳа лыбжьы гоит, актрисацәа адҵақәа рылҭоит, даргьы ррольқәа ргәаладыршәоит, рхаҿсахьақәа рҽагәыларгалоит. Аҳәса мацара злаху аспектакль "Бернарда Альба лыҩны" аҽазыҟаҵарақәа цоижьҭеи ҩымз ҵуеит. 

Аиспан поет, адраматург Федерико Гарсиа Лорка ипиеса "Бернарда Альба лыҩны" иаанырԥшуеит аԥсҭазаараҟны иуԥыло ани аԥҳацәеи реизыҟазаашьақәа. Зыԥшәма дзыԥхаз Бернарда, лыҩны алахьеиқәҵара ыҟоуп, лыԥҳацәа хә-ҩык ашәы ршәылҵеит, адәыхьгьы идәылҵыр луӡом. Лыԥҳа еиҳабы Ангустиас лоуп алшара змоу ари аҩнаҭа аҩныҵра, хаҵа ацара. Аха рыцхарас иҟалаз бзиа илбо арԥыс Пепе аеҳәшьцәа зегьы бзиа деицырбоит.

Арежиссиор Мадина Аргәынԥҳа лажәақәа рыла, лара, аҳәса рымацара рзыҳәан акәӡам изышьҭылхаз ари атема, апиеса иаанарԥшуеит аҭаацәа реизыҟазаашьа.

"Апиесаҿы рыӡбахә ҳәоуп хацәада иаанхаз аҳәса. Раб дыԥсоит, аҩны иахагылоу ан лоуп, хә-ҩык аԥҳацәа лымоуп. Хаҵацара иамоу акәамаҵамарақәа ашьҭыхра ахьрыламшо аҟынтә, аҭаацәара реиҳабы хаҵа дызцаӡом. Амала, ран аԥара шлымам, ишлыламшо лыԥҳацәа ирыхәҭо аҟаҵара агәылацәа идлырбаӡом. Уҳәан-сҳәан дакны дамоу, дԥагьаӡа дыҟоуп. Ари аҩымҭа камедиаӡам, ари драмоуп. Аԥсуаа ҳзын ари апиеса даара ҳархәыцратә иҟоуп", — ҳәа лҳәеит арежиссиор.

Ақәыргыламҭаҿы ахаҿсахьақәа жәаба роуп иҟоу, дара зегьы ҳәсақәоуп.

"Актрисацәа зегьы рхаҿсахьақәа ибзианы ирыдыркылт, доусы рхатә хықәкы бзианы инарыгӡоит", ҳәа азгәалҭеит Аргәынԥҳа.

Бернарда Альба лроль налыгӡоит Аԥсны Жәлар рартистка Изольда Арухааԥҳа. Лара лзы ари ароль анагӡара иҭакԥхықәроуп. 

"Аччареи, аҵәыуареи, агәырҩеи ацуп ароль. Зны дҟәымшәышәуп, аха еиҳарак аџьбара лныԥшуеит Бернарда. Лыԥҳацәа рхымҩаԥгашьа шылгәамԥхогьы, ихалыршааауеит. Аԥсҭазаараҟны иахьагьы ус иҟоуп. Агхақәа шаҳбогьы акгьы рамҳәакәа ироуҳажьуеит", — ҳәа лҳәеит Арухааԥҳа.

Арольқәа рнаҩсан иазгәаҭатәуп адекорациақәа ҳаракыла ишеиҿкаау. Аԥшшәқәа рыла ианыубаалоит аҩны агәырҩа шыҩноу, аччареи алахҿыхреи шагу. Адашьма ырнааны иҟаҵоуп, аныҟәара маншәаламкәан, аԥенџьырқәеи ашәқәеи ракәзар – икнаҳауп. 

  • Аспектакль асиужет излаҳәо ала Бернарда Альба лыԥшәма даныԥслак аҩнаҭаҟны аӡәгьы азин имам аччараз, агәырӷьараз. Бернарда лгәырҩеи, лхьааи, лыгхақәеи зегьы лчҳауеит  лыҩны ахылаԥшҩы Понсиа
    Аспектакль асиужет излаҳәо ала Бернарда Альба лыԥшәма даныԥслак аҩнаҭаҟны аӡәгьы азин имам аччараз, агәырӷьараз. Бернарда лгәырҩеи, лхьааи, лыгхақәеи зегьы лчҳауеит лыҩны ахылаԥшҩы Понсиа
    © Sputnik / Томас Ҭҳаиҵыкә
  • Аиспан поет, адраматург Федерико Гарсиа Лорка ипиеса Бернарда Альба лыҩны иаанырԥшуеит аԥсҭазаараҟны иуԥыло ани аԥҳацәеи реизыҟазаашьақәа
    Аиспан поет, адраматург Федерико Гарсиа Лорка ипиеса "Бернарда Альба лыҩны" иаанырԥшуеит аԥсҭазаараҟны иуԥыло ани аԥҳацәеи реизыҟазаашьақәа
    © Sputnik / Томас Ҭҳаиҵыкә
  • Арежиссиор Мадина Аргәынԥҳа лажәақәа рыла, лара, аҳәса рымацара рзыҳәан акәӡам изышьҭылхаз ари атема, апиеса иаанырԥшует аҭаацәа реизыҟазаашьа
    Арежиссиор Мадина Аргәынԥҳа лажәақәа рыла, лара, аҳәса рымацара рзыҳәан акәӡам изышьҭылхаз ари атема, апиеса иаанырԥшует аҭаацәа реизыҟазаашьа
    © Sputnik / Томас Ҭҳаиҵыкә
  • Зыԥшәма дзыԥхаз Бернарда, лыҩны алахьеиқәҵара ыҟоуп, лыԥҳацәа хә-ҩык ашәы ршәылҵеит, адәыхьгьы идәылҵыр луӡом. Лыԥҳа еиҳабы Ангустиас лоуп алшара змоу ари аҩнаҭа аҩныҵра, хаҵа ацара
    Зыԥшәма дзыԥхаз Бернарда, лыҩны алахьеиқәҵара ыҟоуп, лыԥҳацәа хә-ҩык ашәы ршәылҵеит, адәыхьгьы идәылҵыр луӡом. Лыԥҳа еиҳабы Ангустиас лоуп алшара змоу ари аҩнаҭа аҩныҵра, хаҵа ацара
    © Sputnik / Томас Ҭҳаиҵыкә
  • Апремиера мҩаԥысуеит аҩаша мшаԥымза 11 асааҭ 19:00 рзы
    Апремиера мҩаԥысуеит аҩаша мшаԥымза 11 асааҭ 19:00 рзы
    © Sputnik / Томас Ҭҳаиҵыкә
1 / 5
© Sputnik / Томас Ҭҳаиҵыкә
Аспектакль асиужет излаҳәо ала Бернарда Альба лыԥшәма даныԥслак аҩнаҭаҟны аӡәгьы азин имам аччараз, агәырӷьараз. Бернарда лгәырҩеи, лхьааи, лыгхақәеи зегьы лчҳауеит лыҩны ахылаԥшҩы Понсиа

"Асахьаҭыхҩы Витали Кацәбеи сареи ҳаидтәаланы иҳаӡбеит арҭ адекорациақәа. Абасала иаҳбоит "Бернарда Альба лыҩны" атмосфера шыҟоу", — ҳәа лҳәеит Мадина Аргәынԥҳа.

Ихадоу Бернарда Альба лхаҿсахьа налыгӡоит Аԥсны Жәлар рартистка Изольда Арухааԥҳа. Аҩны ахылаԥшҩы Понсиа лхаҿсахьа налыгӡоит Ирина Коӷониаԥҳа, Бернарда лан Мариа Хосефа лроль налыгӡоит Тома Аҩӡԥҳа, аԥҳацәа рроль нарыгӡоит Циала Инаԥшьԥҳа, Кристина Цымцԥҳа, Гәында Ажьиԥҳа, Есма Кәыҵниаԥҳа, Ашьна Ҳагԥҳа. 

Апремиера мҩаԥысуеит аҩаша мшаԥымза 11 асааҭ 19:00 рзы. 

32