Лера Адлеиаԥҳа онлаин-абжьыҭирала аҩбатәи аҭыԥ аанылкылоит

Лера Адлеиаԥҳа онлаин-абжьыҭирала аҩбатәи аҭыԥ аанылкылоит

40
Аинформациатә маҵзура, арадио Sputnik НТВ апроект ҿыц "Ты супер!" аҭаацәа ирылхәдоу ахәыҷқәа рҽаарԥшраз алшара рнаҭоит.

АҞӘА, мшаԥымза 10 — Sputnik. 11-шықәса зхыҵуа Валериа Адлеиаԥҳа лзы рыбжьы рҭихьеит 45 000-ҩык рҟынӡа аинтернет ахархәаҩцәа. Уажәы лара онлаин-абжьыҭирала аҩбатәи аҭыԥ аанылкылоит. ТОП-3 ахь Валериа леиԥш инеиит Дариа Кабаненкои Владимир Климовскии. Лера лзы абжьыҭира ҟалоит Sputnik Аԥсны апортал аҟны, иара убасгьы асоциалтә ҳақәа рҟны. Абжьыҭира аихшьаалақәа рыла аԥыжәара зауз ироуеит алшара арадио Sputnik аҟны иқәгыларц.

Лера – амузыкатә конкурс "Ты супер!" аҟны Аԥсны ахьӡала дықәгылоит. Актәи атур аан иналыгӡаз Лара Фабиан лашәа "Адажио" (Adagio) ахәшьара ҳаракны иарҭеит ажиури реиԥш ахәаԥшцәеи азыӡырыҩцәеи. Лера аконкурс аҩбатәи аетап ахь днеиит.

НТВ апроект ҿыц "Ты суперзвезда!" аҭаацәа ирылхәдоу ахәыҷқәа рҽаарԥшраз алшара рнаҭоит. Иара иалахәуп ахәыҷқәа рыҩнқәа рҟны ирааӡо, ашкол-интернатқәа ирҭоу, ус аҭаацәарақәа рахь ааӡара ирго ахәыҷқәа. 7 шықәса инаркны 18 шықәса рҟынӡа зхыҵуа апрофессионалтә жиурии миллионҩыла ателехәаԥшцәеи рҿаԥхьа рҟазара аадырԥшуеит. Урҭ аус рыдырулоит иреиӷьу амузыкатә продиусерцәа, аҟазауаа. "Ты суперзвезда!" мҩаԥигоит ТЕФИ занашьоу Вадим Такменев. Аконкурс иалахәуп Аԥсны, Аахыҵ Уаԥстәыла, Урыстәыла, Азербаиџьан, Ермантәыла, Ҟазахсҭан, Кыргызсҭан, рҭтәыла, Беларуссиа, Молдова, Естониа рҟынтәи аҟыбаҩ ҷыда змоу аҿар.

Валериа шәыбжьы лышәҭар ҟалоит абра

Валериа Адлеиаԥҳа дызлахәу ашоу "Ты супер!" апроект аҩбатәи атур аефир ахь инагахоит асабша, мшаԥымза 15, асааҭ 20:00 рзы.

Аҩбатәи атур аԥҟарақәа еиҳа иуадаҩуп актәи атур аан аасҭа. Уажәы ҭыжьымҭа-цыԥхьаӡа ажиури иалырхуа аӡәаӡәа роуп. Абас ала афиналбжахь инеиуеит ԥшьҩык-ԥшьҩык аконкурсантцәа.

Ахәыҷқәа аконкурс ралахәра иадҳәалоу ахарџьқәа рыдагьы ателерадиоеилахәыра НТВ ахахьы иагеит иара аиҿкаарагьы. Ахәыҷқәа апрограммақәеи аҽазыҟаҵарақәеи раан рҭыхра адагьы еиҿкаауп ирацәаны еиуеиԥшым аныҟәарақәа, аиԥыларақәа. "Ты супер!" аларҵәоуп, аӡыргарагьы аҭоуп Урыстәыла Аҵареи аҭҵаарадырреи рминистрра иҟанаҵо адгыларала. Ахы инаркны ахәыҷқәа ирыцуп амедицинатә персонал, арҵаҩцәа, аԥсихологцәа. Апроект азы инарҭбаау аинформациа аиура алшоит НТВ асаит аҟны.

Sputnik (sputniknews.com) — жәларбжьаратәи аинформациатә маҵзуреи арадиои атәылақәа жәпакы рҟны амультимедиатәи аинформациатәи хабқәа амоуп. Sputnik ашҟа иаҵанакуеит асаитқәа, арадиодырраҭарақәа, амобилтә хархәагақәа, иара убас, асоциалтә каҭақәа рҟны адаҟьақәа. Анапаҵаҩцәа рзы Sputnik, англыз, араб, аиспан, акитаи бызшәақәа рыла иҭыҵуеит. Sputnik асаитқәа аԥхьаҩ идыргалоит: авидео, аинфографика, афоторепортаж, онлаин-ефирқәа, аинтернет-бжьыҭира. Аоперативтә жәабыжьқәа рыдагьы Sputnik иакьыԥхьуеит аналитикатә материалқәа, аексклиузив интервиуқәа.

Sputnik Аԥсны аусура хацнаркит 2014 шықәса ԥхынҷкәынмзазы. Амаҵзура активқәа ирыҵаркуеит аԥсышәалеи урысшәалеи имҩаԥысуа аинформациатә портал, арадио, амультимедиатә пресс-центр.

Sputnik Аԥсны ареспубликаҿтәи аинтернет АИХ-қәа рыбжьара аԥыжәара амоуп.

40